ابي حل لمشكلتي
انا قصتي محزنه ويعلم الله اني حاولت بكل الطرق لكن بدون جدوى قصتي اني تزوجت للاسف من واحد مطلق وصبرت على جميع انواع الاهانه منه ومن عياله الكبار وخلفت عليه اربع اطفال والرجال طامع بفلوسي هو وعياله عندهم انا بنك متحرك مايصرف ورافع يده وساكت على اهانة عياله لي ولعيالي بتقولون لاتعطينه لاعطيته وصرفت ببيته وعلى عياله لسبب واحد انه مايرد علي طليقته لانه الله لايسامحها مطلقها من زمان ومفهمنا انه مستحيييييييييل يردها واهله الخونه يحلفون انه مايردها اخر شي ردوها هم مع انها تعاملهم احقر معامله بعكسي تماما وعموما ماهمني انهم ردوها اللي ضايقني ان خاين العشره طلقني اول ماردها غيابي بدون سبب والحين صار لي ثلاث سنوات كل من يتقدم ارفضه على امل ان طليقي ينصلح حاله وكل مره يكلمني ارجع تخيلوا يبي مايدفع رضوه ويبي مايحط لي بيت وبيت العمر كان تصميمه فلتين منفصله الحين خلاها فيلا وحده لزوجته وعيالها وانا بنى لي بطرف البيت ملحق صغير تخيلوااااا الظلم حسبي الله عليه ونعم الوكيل علما ان عيالها خمسه بس يعني بالحسبه مافيه فرق ابد والحيين متقدم لي شاب رائع وفيه كل الصفات الزينه شرايكم اوافق وبياخد طليقي عيالي لاني بجد بجد تعبت حيييل ام اصبر وكبر عيالي علما توني صغيره وعيالي صغار