شاركي في النقاش

سجلي الدخول لإضافة تعليق.

التعليقات

28
  1. @maalm_oam

    الضرب هو اساس المشكلة


    والعناد شي طبيعي في المراهقين مو شي جديد



    واذا على الصلاة .. انا معلمة ثانوي وكثير بنات مايصلو


    لانو ماتربى فيهم الوازع الديني من الصغر


    ولانو الاهل كل الي يسووه انهم يااهزؤهم .. يايضربوهم على الصلاة


    وكأن الرسول امر بالضرب على كل فرض


    مشكلتنا دايما مانفهم من الاحاديث الا لفظها دون معنها الحقيقي

    اختك في مرحلة خطيرة وحساسة .. بلوغ .. تكوين شخصية .. نمو جسدي .. احسساس بالانوثة .. وغيرها وغيرها


    محتاجة احد يحتويها مو يسبها ويضربها


    كونو علاقة صداقة معاها


    احتووها قبل لاتحتويها وحدة من بنات الحام الي مالين المدارس


    وقتها لاسمح الله بتكونو فعلا في مشكلة محتاجة حل


    لاتخلو عدم قدرتكم على التفاهم معاها سبب في ضياعها


    وحكاية انها تستحي من ابوها هذا شي طبيعي بالذات في هذا السن


    انا نفسي وقت البلوغ كنت اتجنب اجلس في مكان فيه ابويا عشان ميلاحظ تغيرلت جسمي


    على بالي ان الموضوع شاغله وهو ولا في باله


    لما تكبر حتعرف انها تهيؤات وتقرب منه بطريقتها


    بس الكلام عليكم وعلى امها لازم تنسو اسلوب القسوة وتقربو منها


    غيرولها ديكور غرفتها .. وخلوها تختاره .. لو اختارت بني في اسود .. حرة .. خلوها تعيش استقلاليتها

    اطلعو انتو واياها لسوق هيا تختارو


    اعملو قطة وخلوها تقط معاكم في عشوة في مطعم >> من مصروفها او امها تعطيها وتقولها يلا قطي مع اخواتك


    شوفو ها ايش تحب


    اذا تحب الماكياج .. او ماتعرف حتى .. خلوها تخربش وجوهكم عادي مافيها شي


    وحدة من زميلاتي كانت تشكي من بنتها انها كتومة وعاصية على قولها



    فصارت تخليها تمكيجها وتهرج معاها


    الام كانت تنسدح وتغمض .. كأنها بمشغل .. وبنتها كانت تاخذ راحتها في الكلام طالما امها مغمضة عيونها



    شوية شوية .. صارو صاحبات


    اذا انكم متزوجات وعندكم عيال خلوها تقضي معاكم اغراض واكسسوارارت للبيوتكم .. ملابس تختارها لاولادكم .. وكذة يعني



    قربو منها باي طريقة


    حاولو وحاولو بدون يأس
  2. @7tsnym7

    يا الله والله حزنت على اختك
    بالله عليك انكم تتقربون منها وخلي امك تبوسها وتحضنها لانها احسها فاقده اشياء كثيره
    وابعدوا عن الضرب نهاينا وهي الحين في فتره المراهقه تكون نفسيتها شويه صعبه بس انتم تكلموا معها بهدو وحنان
    وشوفوا الشئ ال تحبه اشتروه لها
  3. @aathb_alklm_2

    هي الان تمر في مرحله مراهقه وهذه المرحله مرحله خطيره حاولوا تتكلمون معاها بلطف تحسسونها انكم تحبونها تاخذون لها هدايا وتحنون عليها وصدقيني ان شاء الله راح تتغير والله يهديها

تابعي تجارب أخرى من هذا القسم.