بعد هذه السنوات الطويلة ...ما هو غرسك في ابنائك !!!

السلام عليكم

اليوم جلست افكر واقول عقب هالسنوات الطويلة ...

ايش اللي قدرت اغرسه في عيالي...

ما اكذب عليكم تميت فترة طويييييييييييلة وانا افكر ...:35:

وفي الاخير جااااااااااااني احباط :44:

لان الاشياء اللي قدرت اغرسها فيهم ينعدون على الاصابع


على الرغم اني طول اليوم معاهم أوامر ونقاشات ومجادلات عن تصرفاهم وتوضيحات لكن الله هو الهادي ...


فأنا حبيت افتح هالموضوع علشان نتناقش فيه وكل وحده تقول اهم شيء قدرت تغرسه خلال سنوات تربية ابناءها ..

وكيف كانت طريقتها في هذا الامر معاهم ...

ابدأ أنا ..أهم شيء قدرت اغرسه فيهم



تنظيم الوقت ...

فلو عندهم اكثر من شغله قدرت اعلمهم كيف ينفذون كل شغلهم بتنظيم
ويحسون بمقدار انجازهم لاعمالهم ..

عن طريق كتابة ورقة فيها كل المهام
ثم ترتيب الاولويات الاهم ثم الاهم
وكل ما ينتهي الولد او البنت من شيء يضع علامة عليه

ولو اسرع في انجاز مهامه وخلصها يكافىء نفسه

بمشاهدة التلفاز أو اللعب أو الخروج من المنزل مع الوالدين ...



ياريت يكون في تفاعل وانتظر ردودكم يا امهات :27:

39 تعليق 5,205 مشاهدة

شاركي في النقاش

سجلي الدخول لإضافة تعليق.

التعليقات

37
  1. @rymyh_30

    الحمد لله اولا واخيرا قدرت اغرس فيهم حب الله ورسوله وان الله في كل مكان يسمع ويرئ وحب النظافه في انفسهم والمكان اللي هم موجودين فيه وطاعه والدينهم
  2. صاحبة الموضوع
    ..ريميه..
    الحمد لله اولا واخيرا قدرت اغرس فيهم حب الله ورسوله وان الله في كل مكان يسمع ويرئ وحب النظافه في انفسهم والمكان اللي هم موجودين فيه وطاعه والدينهم
    ماشاء الله لا قوة الا بالله ...

    هذا أهم شيء حب الله ورسوله ...

    و النظافة من الامور المهمه التي يأمرنا بها ديننا الاسلامي الحنيف وحدثنا بها رسوله الكريم في عدة مواقف سواء النظافة الشخصية أو نظافة المكان والمحيط لكن العيال الله يهداهم يهتمون بالنظافة الشخصية اما المكان فيتكلون على الخدم ويقولون ليه ننظف دام عندنا خدم ...الله يهديهم ...ياريت بينتي طريقتك في غرس هالامور معهم ...



    جزاك الله خير ...واشكر لك مرورك أختي...
  3. @gmylh_3000

    الحمد لله علمت عيالي عدم الاعتماد على الخادمه ويسوون اي شي يخصهم بانفسهم وغرست فيهم حب الدين والوطن واحترام بعضهم وحب التعاون مع زملائهم طبعا البنات احسهم اسرع واكثر اهتمام بهالاشياء بس ان شاء الله ماينسون اللي تعلموه اذا كبرو
  4. @fy_klob_arbaa

    غرست فيهم حب الله وحب الرسول وحب الوالدين
    لو ايش كانو يبغو وأنا وأبوهم مو راضين مستحييييييييل عيالي يعملو شي ماوافقنا عليه
    الشي اللي دايما أشتغل عليه معاهم ايقاظ الضمير هذا الشي لن أجني ثماره الا لما يكبروو..

تابعي تجارب أخرى من هذا القسم.