ماما مكسوفه تكلمنى ومش فاهمه ايه الموضوع
السلام عليكم ورحمه الله وبركاته اخباركم ايه ياسيدات وبنات عالم حواء يارب تكونوا بخير وتكون كل ايامكم سعاده وعيد سعيد مسبقا انا كنت كتبت موضوع قبل كده عن واحد متقدملى وهو مطلق وعنده بنت وانا الحمد لله مقتنعه بيه ومش عندى مشكله في نقطه زواجه السابق لكن للاسف لما جه البيت وقابل اهلى كان كل اعتراضهم انه هو متزوج قبل كده وعنده خبره لكن انتى اول مره تتجوزى ومش هيكون عندك خبره زيه وده هيعملك مشاكل كتير وحاولت اسأل ماما تأصد ايه قالتلى ده كلام عيب هى بصراحه ماما مابتتكلمش معايا في اى موضوع عن الزواج او حتى لما بلغت مااتكلمتش معايا عن اى حاجه لكن انا بحاول افهم مش غبيه لكن هى حتى مجرد التلميح رفضاه انا عايزه اسألكو تفتكروا هى تأصد بالخبره انه عنده خبره جنسيه لانه مارسها مع مراته قبل كده ولو فعلا كده هو ده هيسبب مشاكل بينى وبينه لو ربنا تمم الموضوع على خير ياريت تردوا عليا ربنا يخليكوا