السلام عليكم
الحمد الله رجعنا من الحج ويارب اكتب لنا القبول
احنا حملتنا حملة النور
بصراحه كلمه روعه قليله عليها نظافه وبرامج ومحاضرات ومشايخ الله يجزاهم عنا كل خير
طبعا انا من مكه رحت يوم 8 الصباح ورحنا المخيم
وقضينا يوم الترويه فيه كان يوم كل روحانيه ودعاء وجانا الشيخ العريفي والقاء محاضره رائعه
ويوم عرفه رحنا للعرفه الساعه عشره بالقطار والله روعه سريع ومريح وسهل كثير على الحجاج
وعكس كل التوقعات اللي انكتبت عنه وان شاء الله السنه يستفيد منه حجاج اكثر من هاالسنه
وطبعا يوم عرفه يوم له هيبه وخشوع وسمعنا خطبة عرفه وبعدها جانا الشيخ العريفي وسعيد بن مسفر
وبعدها تفرغنا للدعاء والذكر وعلى الساعه 6 مشينا للمزدلفه باالمترو وكان سريع وصلنا هناك وصلينا المغرب والعشاء
وتعشينا وجالسنا لما الساعه 1 ونص وبعدها رجعنا على منى بالمترو ورمينا جمره العقبه الكبرى وبعدها رحنا للمخيم على الساعه 3 ونص وكانا تعبانين من المشي ونومنا ويوم العيد
وسوا المخيم لنا حفل معايده وكان حفل حلو وفيه مسابقات
وجونا داعيات قمه في الروعه
ويوم 11 طوفنا طواف الافاضه وسعينا سعي الحج في السطح لانه كان الدور الارضي مره زحمه
وبعدها رجعنا على المخيم ورمينا الجمرات
ويوم 12 رمينا الجمرات الظهر وخرجنا من منى والمطر كان يصب فوق روسنا وشي جميل ورحمه من الله اول مره في حياتي مااخاف من المطر
بصراحه الحج رحله العمر مررررررره حلو يارب تقبل منا واكتبه لنا السنوات الجايه
لو مايطلبون تصريح كان حجيت كا السنه لانه شي رهيب وشعور مايحسه الا اللي جربه وان شاء الله الله يكتب الحج كل اللي ناوي
طولت عليكم بس لازم اكتب كل اللي في خاطري عن ها الرحله
فمان الله :39:
(تجمع العائدات من الحج الحمد لله على السلامة)(تم الدمج)
متابعة النقاش، صفحة 16