السلام عليكم...
ماني عارفه وش ابدى فيه خايفه ضايعه ***** الله القى اللي بردودكم اللي يريحني ..
انا متزوجه من سنتين ونص عمري صغير وزوزجي اكبر مني ب11سنه مطلق المهم انا من 4شهور من زواجي وانا اراجع عن دكتوره نسائيه واحلل وكل شي اوكي مافيه شي موطبيعي ابد مر شهر وبدا مضايقات زوجي متى تحملين عيشني بحاله نفسيه واطيه حيل هم والله اروح لدكتوره ابكي من الضيق من حركاته فيه مره اذكره ومانسيته ابد قبل ماادخل المستوصف وكنا بسياره قال بنزل معك قلت له لا خلني انا اروح مايحتاج راح ارتبك احسن لما اروح لحالي قالي انتي اذا دامك كذا خايفه ومهتمه عمرك ماراح تجيبي عيال وكان ولد صغير مع امه قال انا ابي ولد مثله ولا بتزوج نزلت وانا نااار وغيره الكثير من الكلام المهم,,,
بعدين بعد كذا مراجعه قالت الدكتوره خلاص انت ماشاء الله ما فيك شي وكل شي اوك حرام تاخذي حبوب وادويه خلي زوجك يحلل...._________وهنا البدايه حلل الحيوانات صفر حلل 4 مرات نفس النتيجه اخذ عسل حبوب مقويات وعمل عمليه دوالي مافي نتيجه وانا واقفه معه ولا عمري جرحته والله من اول مابدا الموضوع وانا ماتكلمت معه بالعيال ابدا صارله سنه و5 شهور مافيه نتيجه الحمد لله على كل شي وعمره ماقالي اي شي ..مره قالي بعد سنتين من زواجنا كلمه قالي اللي فيني
واتوقع انه من عيون زوجتي اللي قبل ..سكت وقاعدت اقول لا حرام لاتظلم البنت كل شي باراده الله وانا واقفه معك وابيك لو اعيش عمري بدون عيال بعدين قال انا محلل قبل بزواجي الاول مافي شي كل شي طبيعي __ انا حبيته ع راسه وضميته وسكت .. بس عنجد اناغبيه غبيه لاني ماسالت اذا صادق ولا لا بتحليله ؟؟ الحين انا بنااااار معقوله انه صادق بكلامه ا ولا بس عشان خايف اني اتركه ودي ارجع افتح معه الموضوع بس خايفه انه يزعل او يتحسس اويفهم غلط..عطوني الحل ساعدوني الله يريحكم .؟؟؟.
مع انه قاله الدكتور اخر حل هو فتخ الخصيه والبحث عن حيوانات ..؟--وهو ماعنده مشكله يقولي اي وقت تبينه ازين العمليه ..بس انا خايفه اخر حل وخايفه ماينجح اخاف افقد الامل وش رايكم؟؟
كمان في شي وش معنى الحيوانات صفر يعني عقم ولا ايش؟؟ ومعقوله شخص مافيه شي فجاءه يصير عنده صفر؟؟
شاركي في النقاش
سجلي الدخول لإضافة تعليق.
التعليقات
12- صاحبة الموضوع #54573632اليوم بس سالت نفسي معقوله يكذيب علي...؟ماحلل بزواجه الاول لانه طلق زوجته بعد سنه وكان بينه مشاكل من شهر العسل وانه يقول اني مااحبيته وطول الوقت مسافر برا ؟؟
وكمان سالت نفسي لوانه صادق اللي فيه عين يعني ممكن لوتزوج وحده ثانيه راح يصير كل شي طبيعي؟؟ انا احبه اموت عليه ومااقدر اعيش بدونه لاني اسمع ان اثنين مافيهم شي كل شي عندهم طبيعي يتزوجون ومايجبون عيال وويتزوج ثانيه ويجيب عيال؟؟؟ينطبق الشي هذا على اللي عنده الحيوانات صفر؟؟ - صاحبة الموضوع #54573751الله اكبر
- لا تضيقين صدرك حبيبتي لو بيكذب عليك زوجك ما كان سوا التحليل مرة ثانية وصارحك بنتيجتة هذا دليل انه صادق معاك وبالنسبة لأثنين ما فيهم شي ولما يتزوج الزوج تحمل زوجته هذا انتي قلتي الاثنين طبييييييييييييعي مو الزوج عنده ضعف وبعدين الأمر كله بيد الله وادخلي تجمع الصفر بتستفيدين إن شاء الله حنا اخواتك وأزواجنا نفس مشكلة زوجك وربي كريم وبيرزقنا...
الله يرزقك ويرزقني ومن تتمنى الحمل السليم التام المعافى والذرية الصالحة السوية يارب... - يا أختي موضوعك مو خطير
وماله داعي تشكين بصدق زوجك
حتى لو كان فعلا ماحلل من قبل
التمسي له العذر
وبعدين الرجال نفس الحرمة
تجيه حالات ضعف
يمكن كان فعلا قبل كل شيء تمام
والحين صابه الضعف
فيه علاجات متوفره بكل المستشفيات يروح لدكتور شاطر
والله يرزقك ويرزقنا معك وجميع المؤمنات والمؤمنين - الله يسر امركم
مواضيع مشابهة
تابعي تجارب أخرى من هذا القسم.