شاركي في النقاش

سجلي الدخول لإضافة تعليق.

التعليقات

1,988
  1. @am_ghdghod_1

    صاحبة الموضوع
    أم غدغودة
    أوشي ماأقول حبيبتي غير الله يعينك وبس وفعلاً عيالك باين عليهم مدلعين ومتعبين الله يهديهم على فكرة نسيت أقولك اني سويت الكيكة اللي نزلتيها وصراحة طلعت روووووووووووووووووووعة وكأنها جاهزة يعطيك العافية ياقمر حلا .. احنا بخير جعلك بخير …
    راح أكتب البطاقة التعريفية
    واللي عندها أي معلومة مقترحة تضيفها
    وان شاء الله تفيد حوامل التوائم


    نوع الولادة :

    مدة الحمل :

    سبب الولادة المبكرة :

    هل دخلوا الحضانة :

    مدة بقائهم في الحضانة :

    جنس التوأم :

    أسمائهم : ( للي حابه تكتب أسمائهم )

    أعمارهم :

    نوع حليبهم :
  2. **%هذا انا%**
    هلا والله بمشتاقه ايوه حبيبتي جبتهم بالاسبوع 30 الحمدلله طيبين بس نومهم مو منتظم ساعه ويصحوو نفسي ينامولهم 4 ساعات عالاقل والشرقاات برضوو مخليتني طول الوقت قلقانه عليهم انتي اخبارك واخبار بنوتاتك
    بنآآت غيرت حليب عيالي من بيلميل بلس لـ غين بلص لأن مافيه زيت النخيل وببدأ فيه من بكره
    ان شاء الله يتعودون على طعمه ومايسوون لي قلق :06:

    عبوقه
    انا عن نفسي اسلقه كامل ..

    باتشي
    انا عيالي اكلهم قليل مره يعني مانفع معاهم لا اكلنا ولا اظن بينفع حتى الجدول :44:

    ساره
    حبيبتي انسخي التوقيع واضغطي لوحة التحكم بعدين تعديل التوقيع
    وسوي لصق للتوقيع واختاري حفظ ..
    جربي وإذا مانفعت معك هالطريقه فيه طريقه ثانيه ..
    ومشكوره ياقلبي ع التهنئه ربي يخلي لك عيالك ..

    سحوره
    هلا وغلا فديت قلبك ..
    كيفك حبيبتي وكيف رنا ورفا ..
    انا ياقمر كنت مسافره ورجعت بيتي البارح ..

    بسومه
    الحمدلله انا والحلوين بخير ..
    ماغير البرد ذبحنا ..

    ام غدو
    ماشاء الله ربي يخليهم لك وعقبال ماتشوفينهم يمشون زين ..
    اما البرد مدري احس اليوم الجو بارد بزيااااده يمكن عشان بيتي له كم يوم مقفول ..

    اوشي
    الله يعينك يارب طيب جربتي تحممين عيالك قبل النوم يعني حطيهم في المسبح
    وحطي لهم العاب خليهم يلعبون حتى يدوخون وبعدها دفيهم ونوميهم يمكن يواصلون ..
  3. نوع الولادة : قيصري


    مدة الحمل : 38 اسبوع و3 ايام


    سبب الولادة المبكرة : الحمدلله ولادتي مو مبكره


    هل دخلوا الحضانة : لا يارب لك الحمد


    مدة بقائهم في الحضانة : .....


    جنس التوأم : ولد وبنت


    أسمائهم : ( للي حابه تكتب أسمائهم ): فراس وميار


    أعمارهم : سنه و15 يوم


    نوع حليبهم : بليميل بلس وغيرته اليوم لـ غين بلص وان شاء الله يناسبهم ..

  4. @htha_ana_11

    صباااح الخير عالجميع

    كيفكم وكيف كتاكيتكم


    هلا والله فيكي ياحلا انا الحمدلله طيبه واولادي طيبين اللهي لك الحمد لولا تقطع نومهم

    يالله برد عل البطاقه التعريفيه

    نوع الولادة :قيصري


    مدة الحمل :30


    سبب الولادة المبكرة :طلق مبكرر


    هل دخلوا الحضانة :نعم


    مدة بقائهم في الحضانة :شهر واربعه ايام وواحد شهر وعشره ((دقيقه صح))


    جنس التوأم : ماشاء الله تبارك الله ذكور ربي يحفظهم


    أسمائهم : ( للي حابه تكتب أسمائهم ) بلاشي حتى ما انعرف


    أعمارهم :اخر الشهر يكملو 4 اشهر


    نوع حليبهم :بعد عناء بختيار المناسب((سميلاك))

    ومازال الانتظاار بوحده كريمه تسويلي توقيع
  5. @am_ghdghod_1

    صاحبة الموضوع
    أم غدغودة
    راح أكتب البطاقة التعريفية واللي عندها أي معلومة مقترحة تضيفها وان شاء الله تفيد حوامل التوائم نوع الولادة : مدة الحمل : سبب الولادة المبكرة : هل دخلوا الحضانة : مدة بقائهم في الحضانة : جنس التوأم : أسمائهم : ( للي حابه …
    طفولة .... باتشي

    اللي عيالهم معذبينهم في أكل غير المطحون :icon33::icon33:

    شوفوا بأقولكم طريقتي

    لكن لازم ثم لازم ثم لازم شوفوني عدتها 3 مرات من الصبررررررررررررررررررررررررررررررررر

    أنا ماأكذب عليكم صحت وبكيت وحتى ضرب بعض الأحيان ضربتهم من القهر

    أول شئ توقعوا إنهم بيغصون ويرجعون بعد ماتكوني تعبتي وخلصتي كل الأكل ومابقى غير لقمة ولا لقمتين

    وراح تضيعي من وقتك ساعتين وفي النهاية على الفاضي

    وراح يرجعون مره و2 و3 لكن استحملوا معليش لين مايتعودون

    أول شئ جهزي من تحتهم مشمع أو أي شئ يحمي الأرض من الترجيع

    أول مابديت طحنت الأكل في الخلاط اللي بعصا من فليبيس
    أقصد مثل قطاعة البصل ليش ؟؟
    علشان تقدرين تتحكمين في درجة جرش الأكل
    كنت نص الأكل اطحنه بالخلاط اللي بيد طحن ناعم
    والنص الثاني بخلاط العصا ويكون مجروش أقرب درجة للطحن يعني مو قطع كبار لا
    احنا نبيه أقرب درجة للطحن لكن مو مطحون
    وبعدين اخلط الأكل مع بعض
    وأكلوهم وعادي بيرجعوا
    والمره اللي بعدها وبعدها والله جلست فترة وهم يرجعون لكن معليش لاتيأسون لانهم لازم يتعودون
    وبعد أسبوع مثلاً خففي درجة جرش الأكل في النص المجروش والنص المطحون كما هو
    لين ماتوصلين لمرحلة تقبلهم للأكل وهو نص مطحون ونص مجروش طبعاً الاثنين مخلوطين
    بعدين خففوا شوي شوي كمية المطحون بالتدريج لين مايصير كل الأكل مجروش جرش ناعم
    وأنا وصلت لهالمرحلة بس
    ومابعد تعديتها لأكل مهروس باليد فقط
    لكن اجرب بعض الأحيان مكرونة أورز أو بطاطس مقلي اهرسها بيدي بس
    والحمدلله بالنسبة لي ولعيالي اعتبره انجاز وعقبال مانوصل لمرحلة الأكل عادي بدون هرس ولاطحن

    وباتشي لاتبتدين بهالطريقة وهم تعبانين انتظري لين يخفون على الآخر
    وهم تعبانين مايقبلون المطحون أصلاً فكيف بالمجروش

    واللي تستفيد من طريقتي تدعي لي بصلاح ذريتي

تابعي تجارب أخرى من هذا القسم.