شاركي في النقاش

سجلي الدخول لإضافة تعليق.

التعليقات

2,025

  1. @am_ayad_2009

    دوعة مالك ايه نبرة الحزن والتشاؤم اللى حاساها فكلامك دى
    بجدانا كنت مبسوطة منك اوى اول ما بداتى التنشيط كنتى فرحانه ومبسوطة ومتفائلة
    اية اللى حصل بس عشان تزعلى كدة
    كل ده عشان محصلش حمل فاول شهر تنشيط
    طب وايه يعنى دى حالات نادرة هى الى بيحصل لها حمل فاول تنشيط
    عارفة انا الشهر اللى نشطت فيه بعد الاجهاض
    كانت كل اموري تماااام اوووى
    وطلعت بويضتين احجامهم كوسة وكانت نفسيتى فالعالاى
    وكنت متفائلة جدا وكمان روحت اصيف انا وجوزى وقت التبويض عشان نبعد عن اى توتر وقلق
    ورغم كل ده محصلش حمل
    واما الدورة نزلت زعلت بس عشان خاطر زوجى كان معشم نفسه زيادة عن اللزوم انى حامل
    ورجعت تانى وبدأت تنشيط وفضلت حاطة الحمل هدف فدماغى لحد مالحمد لله ربنا كرمنى
    فانا مش عايزاكى تزعلى نفسك ولا تتضايقي وتعيطى
    وان شاء الله يحصل حمل وحتضحكى على نفسك كل ما تفتكري اللى كنتى بتعمليه

  2. @am_ayad_2009

    طماطم الحمد لله انك خرجتى كل اللى جواكى عشان نقدر نفكر معاكى
    انا حاسة بيكى اووى لانى حاسة ان قصتى بتتكر تانى
    وبنفس التفاصيل
    ولو ان انا مخزون البويضات عندى اقل منك حاجات بسيطة
    وبرده رد دكتور عادل كان مشابه لرده عليكى
    بس للامانه هو كان قايلي انشط 3 او 4 شهور ولو محصلش حمل الجأ للحقن المجهري على طول
    وفنفس الشهر اللى قالى فيه الكلام ده حملت
    وحصلى اجهاض ورجعت حملت تانى بعد شهرين
    فالى انا عايزة اقولهولك طالما في بويضات وصالحة للتخصيب يبقى منيأسش ابدا
    وبعدين انتى حصلك حمل طبيعى ومن غير اى منشطات
    مبالك لو اخدتى الفيتامين وخسيتى وجربنا ننشط من غير حقن مجهري يبقي ان شاء الله ربنا حيكتبك الحمل
    وحقولك الايه اللى دايما بقولها لنفسي
    ان بعد العسر يسر

  3. @rmal_8

    فاطمة الزهراء912
    لالالالالالالالالالا كلة الا زعلك انتى يا ريمو دا انتى الحب الاول انا يا حبيبتى مش كنت عايزة ادايق حد معايا خصوصا اننا كان بقلنا فترة كانت الاخبار حزينة وبعدين الجو اتعدل وا لاخبار الحلوة هلت ومكنتش عايزة اغير حالة الفرح اللى كنتو فيها …
    ياه ايه الكركبة دى كلها ..........
    بصى ياطمطم انتى طول عمرك بتقاوحى مع د عادل فى كل كبيرة وصغيره ازاى تسمعى كلامه فى موضوع عيدى التحليل من نفس العينه ده وتروحى تعملى زى ما قال !!!!!!!!!!!!!!!! طيب ده رأيه الشخصى وليكى مطلق الحريه تسحبى عينه جديده او لا يعنى دى مش نقطه فى العلاج هنقول حاضر فيها لا كان لازم تبقى حريصه اكتر من كده ده حتى من باب الامان اسحب عينه جديده بدون نقاش انتى كل شغلك بيتبنى على العينه دى ازاى تدى فرصه للمعمل انهم يلعبوا اللعب ده ويهزروا بالشكل ده !!!!!!
    فين رأيك ياحبيبتى ؟؟؟؟
    ثانيا انا مش فاهمه بالظبط ليه الدكتور بيقول لك انتى محتاجه رحمه ربنا (طبعا كلنا محتاجين رحمه ربنا بينا) بس عاوزة افهم الى اى مستوى اتهدورت حالتك وقرر الدكتور على هذا الاساس يوجهك للعمليه معرفتيش منه هو ليه قرر كده ؟؟؟ !!!!
    يعنى تحاليلك الجديدة دى هى السبب ولا هو شايف سبب تانى اقوى .. لان فى ناس كانت تحاليلها زيك وبالعلاج والخسسان اتظبطت وحملت بالتنشيط خصوصا ان سنك مش كبير وممكن جدا يحاول معاكى بالتنشيط الاول .. فا ليه هو قاللك تلقيح بالرغم انه من انصار ان لازم التحليل يكون متظبط قبل اى محاولة تلقيح او حقن وان مينفعش حاجه تتعمل والتحاليل ملخبطة بالشكل ده
    (إلا طبعا فى حالات تحليل الزوج بيكون مش تمام فا بناخدها من قصيرها )
    بصى انا مش فاهمه كويس بصراحه فى ايه ..
    لكن دلوقتى ياستى انتى قرارك سليم ميه الميه انك تاخدى سيدوفاج وتمشى عليه مع خسسان وفيتامين وتظبيط وشوفى الدنيا هتبقى ازاى كمان شهرين وربنا كريم وتستخيرى على العمليه تانى يمكن يكون الخير فيها وكلامه مظبوط وفعلا انتى محتاجاها احنا فى النهايه مش دكاترة
    وليا تعليق اخير على جملة "مش عاوزة اشتت البنات اللى بيروحوا لدكتور عادل" ...
    بصى ياطماطم وبدون تحيز منى وبدون زعل منك .. انا لحد دلوقتى مشفتش اى خطأ صدر من د عادل سواء فى تشخصيه او حكمه على حالتك .. انتى ليه قولتى الجمله دى ؟؟؟ وضحى لى وجه اعتراضك على كلام د عادل فى اللى حصل وقولى انا شايفه انه غلطان فى كذا بمنتهى الصراحه خلينا نتناقش سوا علشان نعرف ايه نقطه الضعف اللى فى د عادل علشان لما نيجى ننصح واحده انها تروح له نقول لها خلى بالك من النقطة الفلانيه بصراحه زى ما بنعمل دايما ...
    وانا شايفه ان اللى حصل فى المقابله واللخبطه دى كانت علشان حاجات متفسرتش كويس من ناحيته وانتى مسألتيش عليها
    وفى النهايه ياطمطم هاقوللك كلمة هتلخص كل اللى عاوزة اقوله بالظبط وتبقى نصيحه لكل البنات برده وانا اولكم ...
    انتى اثبتى لى نظريه مهمه اوى مكنتش فعلا حاسه انها صح ..
    "ان الدكتور اللى مش مقتنعه بيه من البداية مروحلهوش ابدا فى حياتى حتى لو كان اشطر دكتور فى مصر"

  5. @rmal_8

    ماما1983
    انا في اليوم التاسع بس لسه ما اغتسلتش من الدوره الالم بدء يخف بس برضوا موجود ودكتور محمد مش بيرضى يشفطلي زي دكتور حسام بيقولي انه مش عاوز يعرضي لخطر تلوث و التهاب و بيحبذ يشفط الكيس مع العمليه مره واحده


    ربنا يكرمك يا رب يا ماما ويقدر لك كل الخير يا حبيبتى هو عنده حق برده
    من ساعه ما حكيتى على مستوى المعامل عندكوا وان فعلا بقلق عليكى من العدوى والثلوث من اى حاجه

تابعي تجارب أخرى من هذا القسم.