عسى زوجها مايتزوج عليها الى ترد علي وتساعدني

ماعندي خبره

الله يوفقك ويهنيك

اولا مبارك المنزل وجعله منزل عامر بالطاعات والافراح والمسرات الله يعطيكم خيره ويكفيكم شره

ثانيا/ الجبس تلقين بالنت اشكال والوان لأنواع الديكورات الجبسيه للأسقف اذا كان هذا قصدك
واحس انها اريح لك من المحلات يعني وانتي جالسه في البيت فرفري وتنقي لين تختارين الي تبين وعطيه مهندس الديكور وينفذ لكم التصاميم الي اخترتي

لكن عندي لك نصيحه مجرب تجربه شخصيه لما بنينا بيتنا قبل 5 سنوات حطينا اغلبه ديكورات جبسيه الاسقف كلها والاقواااس الي في المداخل
الاسقف ماشاء الله تمام لكن المشكله في الجزء الاسفل من الاقواس الي تطوله يدين الصغار يالبى قلوبهم الله يخليهم لي مبهذليني عنده بسرعه يتوسخ من اي شي لو لمسوه ويدهم فيها شوكولا او بسكويت مبهذلني بالبتنظيف وياليته ينظف 100% لا يبقى اثر وامس رحت السوق واخذت من المكتبه اقلام سبوره مابقى شي على الدوام >>>>مقهوره ياليت يزيدون الاجازه
المهم جبت الاغراض وحطيتها بالصاله ورحت اصلي المغرب ويوم خلصت وطلعت والا الجدران والاقواس عليها خرائط دول العالم كلهاواقعد انا والشغاله نفرك ونسنع الجدران الحمدلله راحت لكن الاقواس الجبسيه لا لا عيت تنظف>>>قالت لكم قصة حياتها

المقصد يالغاليه من كل هالهذره انتبهي للأقواس والاماكن الي تطولها يد الاطفال اما انكم لا تحطونها جبس او سمعت انه ينحط عليها بعد البويه لمعه تخليها ناعمها وتقدرين تنظفينها بسهولها لكن حنا ماحطيناها غلطه مطبعيه من العجله نبي الفكه من الاجارات
ان شاء الله اكون افدتك بتجربتي البسيطه

رفع لعيونك
ان شاء الله البنات المتخصصات يقدرون يساعدونك

بس على السريع الجبس انتي اختاري الشكل اللي يعجبك من هنا واطلبي المصمم ينفذه لك
بالنسبه للجدران والارضيات اللي يحددها من وجهة نظري هو الاثاث نوعه -لونه-موديله

يعني الجدارن مثلا حطيتي لونها بين العودي والبيج -الارضيه عندك بتخلينها سيراميك او راح تخلينها باركيه او تفرشينها فالالوان هنا لازم تكون متناسقه

فنسقي مع نفسك ....
*اول شيء اختاري الجبس وموديله
*الارض اذا كانت سيراميك وماودك تفرشينها باركيه او فراش -حلو بيريحك في اختيار الالوان
*نرجع الان للجدران مثل ماقلت لك راح يحددها الكنب او الجلسه او نوع الاثاث المستخدم

هذا ماعندي وعلى السريع لعيونك

فيه اماكن تخلي الجبس ابيض سادة ويطلع روعة بس الجبس اللي نقشاته ناعمة مو زخارف واشكال

وفي مثلا المجالس اذا بتسوي كلاسيك وتفصلي اثاث بهذا النمط تخليه ذهبي او بني محروق او فاتح حسب رغبتك
وذوقك يعني مثلا اذا بتفصلي كنب موف غامق بتخلي الجبس ذهبي لان الاكسسوارت راح تتبع الجبس وزي كذه راعي تناسق الالوان

بكل تواضع قلت راي واكيد فيه كثير خبيرات وشاطرات يفيدونك

روحي مكاتب التصميم ويجي واحد منهم مع زوجك ويشوف بيتك ويعرف ايش يبغى لانهم ادرى بالشغلتهم وراح يجيبو معاهم صور في كتيب يشيرونك على الون اللي تبينه بس افضل شي الابيض والبيج عشان ماتملين لان الالوان الغامقه ممله وكتومه وتصغر المسافه اكثر بس الالوان الفاتحه تكبر المكان