مرحبا اختي
نصيحه لا تفكرين انج تاخذين حبوب الروكتان من راسج من غير طبيب يفحص الوزن والدهون كل اسبوعين الى شهر
لانه حبوب الروكتان عباره عن فيتامين A بتركيز عالي واذا عندج الدهون مرتفعه يتفاعل معاها ويسبب كولسترول ولازم يتوقف العلاج على طول
ومالها دخل في زياده الوزن بالعكس انتي اذا اخذتيها وعندج سمنه بتنتبهين على اكلج اكثر وبتقللين الاكل المشبع بالدهون والسكريات وغيره وبتكثرين من السوائل وبتمشين عشان ماتزيد الدهون عندج يعني كانج تسوين رجيم
بس عن تجربه انا استعملت الروكوتان والي اقوى منها الاكيوتين وجربت حبوب هرمونات وجرت مضادات وكله طبعا من دكاتره وحتى رحت لدكتور الطب البديل اعطاني خلطه عسل ومادري شو ماستحملها ويهي جربت اي شي يخطر على بالج وكلهم بعد فتره العلاج البشره بتكون مافي احلى منها بس بعدها بفتره ترجع الحبوب ولا كانج سويتي شي الشي الوحيد الي وقف الحبوب اني ضبطت اكلي بسسس لا كريمات بالاللااف ولا حبوب ولا بطيخ وقفت اكل المطاعم ووقفت الحلويات ووقف الغازيات ووقفت الشبس والخرابيط هاذي كلها وصرت اكل اكل صحي واذا حبيت اخبص اشتهيت شي اكل مره فالشهر عن خاطري قطعه صغيره كاكاو بس مش مثل اول طبعا والحمدلله الحمدلله الحبوب الي كانت مثل الفقع في ويهي وكل كيس اكبر من الثاني كله راح
بس من هذا الكلام كله اقولج قبل لا تبدين تاخذين الحبوب جربي شهر واحد بس عدلي اكلج كلي اكل صحي كثري الخضار سويلج سلطات اي شي لونه اخضر كثري منه كلها اشياء مفيده اذا يعتي بدل قطعه الكيك والكاكاو والشبس سويلج صحن سلطه ولا تفاح ولا عصاير فرش طبعا انتي تعصرينها مش الجاهز لانه كله سكر وشوفي على ضمانتي الحبوب كلها بتروح
حبوب الروكيوتان والسمنة
متابعة النقاش، صفحة 2