تجمع الموقنات برحمة الله(خبرات متبادلة حول مراكز العقم في مصر)الجزء ال19
متابعة النقاش، صفحة 117
شاركي في النقاش
سجلي الدخول لإضافة تعليق.
التعليقات
2,025فاطمة الزهراء912 طبعا انا مش عارفة انا غلطت فى اية لكن انا عايزة اوضح حاجة مهمة انا يا جماعة لم اعيب فى شخص دكتور عادل او علمة ومقدرش اعمل كدة مع اى شخص لكن من واجبى انى اوضح السلبيات اللى انا لقيتها معاة وقلت ان دا مش تقليل من علمة وان اكيد العيب مش ف…
ليه يا حبيتى بتقولى الكلام ده
انتى مش اول واحدة تدخل وتحكي تجرتها مع دكتور عادل بالتفصيل
انتى لو رجعتى لاواخر الملف اللى فات حتلاقينى اتكلمت عن اللى حصلى معاه بمنتهى الصراحة
وبرده شيمو دخلت وحكت تجربتها معاه
وكل واحدة فينا طلعت كلام اول مرة يتقال
يعنى حكينا تجاربنا بالتفصيل الممل
وده ولا حيزود ولا حينقص حاجة من شأن دكتور عادل
لانه دكتور كبير وله مكانته العلمية والادبية اللى كلنا عارفنها
فانا مش شايفة هجوم من اى حد من البنات
هو بس كل اللى حصل ان زى ما انتى شايفة ان في عيوب فتجربتك معاه غيرك شايف ان فيه مميزات كتير تستحق انهم يوضحوها
وفالنهاية كل واحد بيقول وجهة نظره الشخصية
واوعى اسمعك بتقولى اخر مرة اخرج فيها اللى جوايا
لان كل اللى انتى فيه ده بسبب الوحدة اللى عايزة دايما تعيشي نفسك فيها
احنا هنا عشان نتشارك فكل حاجة تخص موضوع الحمل ونقدم النصيحة لبعض
مش عشان نهاجم بعض
فانا عن نفسي بكل صراحة حياتى اتغيرت كتييير اووووى من ساعة مدخت التجمع ده
وعمري ماحنسي فضل بنات كتير اوى عليا زى ريمو وشوشو و اوكسي ونيفو وماما وتوتا وبوبا وغيرهم كتير اوى
حاسة بجد انهم ليهم سبب كبير فحملى بعد ربنا سبحانه وتعالى
لانهم ياما وقفو جنبي وشجعونى وقدمولى النصيحة
حتى البنات اللى مكنتش بتقدر تنصحنى على الاقل كانت بتدعيلي
ودى اجمل حاجة انك تلاقي دعوة بظهر الغيب من اخت ولا تعرفك لا تعرفيها
اه ونسيت اقولك
بانسبة لسؤالك عن دكتور عادل نجح مع مين غير شوشو
احب اوضحلك حاجة صغيرة مش شوشو وحدها اللى ربنا اكرمها احم عى ايد دكتور عادل
فالامانه تقتضي انى اقولك انه بغض النظر عن اللخبطة اللى حصلت معايا
انا كمان ربنا اكرمنى بالحمل على ايد دكتور عادل
لانى كنت بتبع خطة التنشيط بتاعته وكنت بروح اتابع التبويض واتصل بيه واقوله الاخبار وهو اللى بيحددلى اذا كنت محتاجة تنشيط تانى ولا لا
وكمان في رورو ربنا اكرمها بالحمل على ايد دكتور عادل
وحلمى الامومة ومها هما الاتنين عندهم اندو وهو اللى اكتشفها وعملهم منظار ونصحهم بالحقن المجهري
فبيتهيألى لو كانو عملو حقن مجهري من غير منظار كان حيفشل
واول واحدة فالملف تابعت معاه وربنا كرمها ريمو
انا بس زى ما قولت السلبيات اللى حصلت معايا
برده حبيت اوضحلك النتايج اللى وصلتلها انا وغيري من البنات من خلال متابعتنا مع دكتور عادل
معلش بقي انتى ممكن تلاقي كلامى ملخبط او مش مترتب لانى بجد مش قادرة اقعد وكل شوية اقوم اريح شويه وارجع اكمل تانى
فاطمة الزهراء912 طبعا انا مش عارفة انا غلطت فى اية لكن انا عايزة اوضح حاجة مهمة انا يا جماعة لم اعيب فى شخص دكتور عادل او علمة ومقدرش اعمل كدة مع اى شخص لكن من واجبى انى اوضح السلبيات اللى انا لقيتها معاة وقلت ان دا مش تقليل من علمة وان اكيد العيب مش ف…
طمطم حبيبتى...متهيالى مشاركتى اللى فوق وضحت حاجات اتفهمت غلط...واسمحيلى بس استغل كلماتك ديه مش للرد عليكى لكن لانها نبهتنى لحاجة كنت عايزة اقولها للبنات بخصوص تفكيرنا كلنا...مش بخصوص حد معين من الدكاترة...فاطمة الزهراء912 على فكرة يا مى انا مقصدتش بكلامى انتى بالعكس انا عارفة رأيك فى دكتور عادل من زمان ودا مسببش اى اختلاف بينا وانا برضة مخدتش الموضوع بمحمل شخصى ولا حاجة انا كنت بعبر عن وجهة نظرى والاختلاف فى الراى لا يوفسد للود قضية ومتقلقيش مفيش حا…
ربنا يديم بينا الود والحب و يجعنا دايما فى الخير يا حبيبتى...
وانا سعيدة انك ماشية فى سكتك زي القطر اللى مش هيقف الا لما يوصل و يحقق غايته....
لكن برده يا طمطومى راجعى نفسك شوية و هتلاقى و الله ان الكل قلبه عليكى و بيحبوكى اكتر من اي حاجة تانية...ويلا فورا اسحبى الجملة الخيرة ديه...هو انتى ليكى حد غيرنا يا مفترية تفضفضى معاه و تشركيه فى افكارك المجنونة يا طماطم ...
يلا بقى كشكشها يا عم و خلينا نروق بقى و قوليلى بداتى الدايت و لا لسه...- ازيكم يا بنات
وحشتوني
انا ان شاء الله هسافر السبت اللي جاي الصبح
وربنا يكرم واعمل العمليه
اول ما يتحددلي المعاد العمليه هقولكو عشان تدعولي
بس انا خايفه اوي والله ربنا يهونها يارب - توفى يا قمر انتى كمان وحشتينى
توصلى مصر بالف سلامة
متقلقيش من العملية ان شاء الله تتم على خير
وربنا يحققلك حلمك ويرزقك بالحمل السليم
مواضيع مشابهة
تابعي تجارب أخرى من هذا القسم.