تجمع الموقنات برحمة الله(خبرات متبادلة حول مراكز العقم في مصر)الجزء ال19

يارب يرزقكن ذرية صالحة طيبة مباركة انه الكريم الوهاب امين

اوكسى

قدر الله وماشاء فعل وربنا يصبر قلبك ياحبيبتى

والله يااوكسى كان نفسى ابقى جنبك واخدك فى حضنى

انا عارفة انك مؤمنة بقضاء الله وقدره واكيد ياحبيبتى ربنا شايل لك خير كتير قوى مستنيكى بإذن الله

انا بس يا اوكسى عاوزاكى تهدى كده وتركزى الفترة اللى جاية هتعملى ايه..

وتتناقشى مع دكتورك بهدوء وتقررى هتعملى ايه فى خطواتك اللى جاية

وربنا يوفقك فيها ياحبيبة قلبى ان شاء الله

ماشاء الله عليكى ياميزو اهى دى الاقتراحات ولا بلاش

ان شاء الله انا معاكى ياريت تبعتيلى الموقع وتقوليلى طريقة التسجيل

نيفو

يا بنت الايه دى انتى وحشانا موووووووووووووووت

ايوة كده ارجعى من تانى وخلى الملف ينور

انتى على فكرة لسة مش اختارتى اسم لابن ام انس

ينفع كده ؟؟؟؟؟؟؟؟؟


يعنى ننده لها نقولها ايه دلوقتى ؟؟؟؟

بجد يا ام انس الله يعينك ده موقف لايحسد عليه احد

وانتى غصب عنك لازم تفكرى فى مصلحتك ومصلحة اخواتك فى نفس الوقت
ومش هينفع تفضلى واحدة فيهم على التانية

بمعنى انك ماتقدريش تفصرى فى حقك وحق جوزك طالما مش عارف يجدد التأشيرة
يبقى رجوعك امر حتمى والا هتخسرى اقامتك واظن تجديد الاقامة امر مش سهل.... انا مش عارفة النظام ايه فى السعودية بالنسبة للاقامات

ومن ناحية تانية ارتباط اخواتك العاطفى بيكى مقيدك

بس انتى قولتى ان اخواتك اللى لسة ما اتجوزوش اتنين

يعنى انتى عندك اخوات تانيين متجوزين وقاعدين فى مصر ولا ايه انا مفهمتش
لو عندك يبقى المشكلة كده محلولة انتى تقدرى تعتمدى عليهم فى انهم يحلوا مكانك فى غيابك
وياخدوا بالهم من اخواتك اللى لسة مااتجوزوش

وانتى برضه تقدرى تتواصلى مع اخواتك طول اليوم على النت وتابعى اخبارهم اول باول
وماشاء الله هم فى سن كويسة يعنى مش لسة اطفال هيعتمدوا عليكى فى كل حاجة

وبرضه زى ماكنتى بتقولى لما ترجعى تقدرى تعملى زيارة لاختك الصغيرة عشان تعمل عمرة ونفسيتها ترتاح واهى تغير المود اللى هى موجودة فيه دلوقتى واللى مش قادرة تطلع منه بالرغم من وجودك جنبها اهه وده معناه ان جو البيت نفسه مش مخليها تقدر تطلع من المود الوحش ده

انتى بتقولى ان اخوكى واختك ان شاء الله هيتجوزا بعد الامتحانات وده معناه انه فى الصيف مش كده
بيتهيألى يا اوكسى انك ساعتها هتكونى على وش ولادة ان شاء الله يبقى تقدرى ان شاء الله تنزلى مصر تولدى هناك وتحضرى افراحهم كمان
وان شاء الله مفيش مستحيل ومع الوقت كل مشكلة بيكون ليها حل ان شاء الله
بس انتى ليه متأكده انك مش هتقدرى تنزلى تانى عشان تحضرى المناسبات دى ؟