اذا كان اللي تكلمين عنه هو نفسه الحرس وعلى حسابك نصيحه من مجربه تراهم فوق الممتاز رعايه وعنايه واهتمام وكل اللي جربوه من جماعتنا منهبلين من عنايتهم فانصحك توكلي على الله وروحي لمه
مستحيل ما يرضعون وش دعوة أختي ولدت فيه وكانت تهاوشهم تقول لا ترضعونه أنا أبغى أرضعه لانه كلما جابوه عندها لقته شبعان وما يفت فمه وقالت لهم رضعتوه قالو لها ايوه قالت ليش ؟؟؟ اعطوني اياه انا ارضعه قالو لها كان يبكي جوعان ويوم جينا عندك لقيناك نايمه ورضعناه ! قال اختي معليش جيبوه وصحيني اذا جيعان لأن اختي مسكينة جلست 4 او 3 ايام
وما يخولونه عندها مستحييييييييييل حتى نشوفه شوي ويرجعونه حتى كلما قالت لهم جيبو يجلسون رايحين جايين عليه مره من المرات قالت ازعجتوني روحو واذا طلبتكم تعالو خذوه . حتى الدكتور جاها مرتين ما ادري ثلاث يتطمن على حالتها ...
هذي تجربة اختي بكل صراحة ويمكن بالصدفة صار لها كل عناية ولا اللي اعرفه واللي اسمعه انهم كويسين . وما يدخلون اي احد عندهم .
وعلى حسب الوقت اللي بتولدين فيه مره من المرات ما فيه غرف فاضيه هذا اللي سمعته من مرت خالي لكن اختي الحمد لله غرفة لوحدها ورعاية ولله الحمد
لكن بكل صراحة اشتقت منهم تقول مليون واحد في الغرفة وأنا أحس بإحراج منهم يعني ممرضات بالهبل ودكتور ودكتورة واللي ينظفون الأرضية بالهبل في الغرفة فهذا اللي أقلقها وقت الولادة وما يخلون أحد يدخل معك على ما أظن بسهذا اللي بغته أختي لانها رفتضت دخول أحد معها حتى زوجها عيت عليه ....