السلام عليكم ورحمته وبركاته
تكفون ياراعين الفزعه ابى اعرف ايش مشكلة الوسائط في جوالى ؟؟
انا جوالى N70 واذا ارسلت رسائل وسائط توصل عادى لكن المشكله لما احد يرسل لى تطلع لى نغمة الرساله لكن مافيه رساله توصل ولما اشيك على السجل احصل ان فيه بيانات داخله للجهاز لكن ما احصل الا ارقام يعنى اربع ارقام بس موارقام الجوالات اللى ارسلت لى الرساله ياليت اللى تعرف ايش المشكله تخبرنى او تدلنى مين ممكن يساعدنى الاتصالات او محلات الجوالات ؟؟؟
وكمان عندى سؤال ؟؟؟ >>>> ياكثر اسئلتك اخلصى
رسائل الوسائط في الفاتوره تطلع عدد او بالارقام يعنى يطلع لى الارقام اللى ارسلتها في الفاتوره مثل الاتصال او عدد مثل الرسائل ؟؟؟
انتظركم بفارغ الصبر ....
شاركي في النقاش
سجلي الدخول لإضافة تعليق.
التعليقات
5- السلام عليكم
اختي جوالك يحتاج اعداد فقط
ولكن اذا انتي تقولين انك ترسلي وسائط بشكل طبيعي فهذا يعني ان الاعدادات مركبه على جهازك
طيب الاعدادات سويتيهم بالشكل التلقائي ( ترسلي رسالة للاتصالات أو يدوي )
ياليت احصل رد على هالمعلومات علشان أقدر افيدك
ورسالة الوسائط لما تقولي انها ارسلت لك تحصلين شي يخصها في الصندوق الوارد
يعني مثلا على رابط الموقع أو رسالة تفيد انه هناك رسالة وسائط قيد الانتظار أو ...؟؟؟
انتظر الاجابة على اسئلتي علشان أقدر افيدك - مرحبتين اخوىبــــدر
في البدايه اشكر لك تجاوبك وتعاونك معى جعله الله في ميزان حسناتك
سوف اجيب على الاسئله كلاً على حده واتمنى اجد الاجابه الوافيه
بالنسبه للاعدادات فقد عملتها عن طريق رساله في البدايه وحصلت على لخبطه واخذت الجوال الى محل اتصالات (مشاعل الخليج) وعمل الاعدادت لى بعده اشتغلت الوسائط عادى في الارسال فقط من غير الاستقبال وبعدها لاحظت انى اجد في السجل حزمه بيانات خارجه واخرا داخله في بعض الاحيان من غير ما اكون قد ارسلت او استلمت اى شى
مراه واحده استلمت رسالة وسائط عن طريق رابط الموقع في رساله في الوارد مع المعرف والباسوورد حق الرساله
اما بقية الرسائل تصلنى نغمة رساله ولا اجد في الوارد اى شى عدا ما اجده في السجل
اتمنى اجد حل للمشكله لانها من جد ازعجتنى
شاكره ومقدره حسن تعاونك معى - هلا فيك اختي
طيب وش رايك لو اعدتي كل شي من جديد وبكذا تضمنين انك ترتاحين
طبعا الطريقة انك بتفرمتين جهازك وبعدها بتسوين الاعدادات وبكذا تضمنين كل شي تماااام
وانا راح اعلمك طريقة الفورمات وطريقة الاعداد لجوالك
وأيضا راح اعلمك كيف تنسخين رسايلك على الميموري كارد وتنسخين ارقامك على الشريحه
بكذا تضمنين انه ماراح تخسرين شي من جهازك
وطبعا بمشي معك خطوه خطوه اذا موافقه خبريني وانا راح أشرحلك بالتفصيل الممل - تسلم والله اخوى ماقصرت
وانا معاك اسوى اللى تقولى عليه لانه من جد زهقنى كل يوم وانا ناطه عند النت اشوف الرساله على الرابط ماصارت وسائط - اختي اولا لازم تعرفين طريقة تحميل البرامج للجهاز
لانك بتحميل برنامج واحد لجهازك ومنه بننسخ المسجات
ولمعرفة طريقة تحميل البرامج شوفي هالرابط
http://forum.hawaaworld.com/showthread.php?t=364390
وبعد كذا حملي برنامج Seleq على جوالك
وتحصلين البرنامج في الموضوع هذا
http://forum.hawaaworld.com/showthread.php?t=428498
انسخي الارقام على الشريحه بجوالك بشكل عادي تحديد الكل ونسخ
وبعد كذا انسخي المسجات من جوالك
وطريقة نسخ المسجات من الموضوع هذا
طبعا هنا بتحتاجين لبرنامج الـ seleq اللي وصيتك عليه
http://www.mobile4arab.com/vb/showthread.php?t=225221
بعد ماتنسخين المسجات
نكون هنا تأكدنا بأن المسجات معك وأيضا الأرقام
الحين موباقي غير تسوين فورمات لجهازك وترجعين الاعدادات من جديد
ولا انسى افضل خلي الرسايل على الميموري كارد علشان ماتروح عليك
لأن الفرمته بترجع الجهاز كيوم ولدته امه ولكن الميموري مالها أي ضرر
طريقة الفرمته
*
#
7
3
7
0
#
وبعدها تدخلين رقم الحمايه ويعيد تشغيل الهاتف
بيتأخر اعادة التشغيل شوي
بتلاحظين ان الجهاز رجع وكاله
يعني يقولك ادخلي عنوان المنطقه علشان يتعرف عليها
طبعا رجعي الاسماء من الشريحه وايضا الرسائل
وهنا يجي دور الاعدادات الصحيحه للـ إم إم اس
اكتبي رسالة جديدة ونصها nokia 6630 mms
وارسليها للرقم 2222
بتجيلك رسالة رد مكتوب فيها كلام كثير وبالنهاية الرقما لسري
والاهم الرسالة الثانية اللي هي رسالة التكوين
افتحي رسالة التكوين واضغطي حفظ وادخلي الرقم 927
وبعدين حفظ
وبكذا تكون اعداداتك انشاء الله تمااااااام
ومافيه أي مشاكل ولا لخبطه
وبتجيلك الرسايل بشكل طبيعي
إلا في بعض الاحيان بسبب ضغط الشبكه بتجيلك رسالة أو رسالتين على موقع الانترنت
لكن الكل أو 99 بالمئه بيجي بشكل طبيعي
اذا فيه شي مو مفهوم خبريني وانا اشرحه لك
مواضيع مشابهة
تابعي تجارب أخرى من هذا القسم.