شاركي في النقاش

سجلي الدخول لإضافة تعليق.

التعليقات

2,025

  1. ماما1983
    اوكسيتي ما شاء الله عليكي ياقمره وعلى صبرك عارفه يا اوكسي انا نفسي انا وانت نحمل سوى ومعانا القمر توتا يارب بصي خلينا عملين انا بقترح عليكي عمليه الكحت ايه رايك انا اعرف ناس كثيره نفعت معاهم صحيح هي تقنيه قديمه في الطب بس ما تعرفيش فين ال…
    ياريت يا ماما يسمع منك ربنا عشان احنا اكثر ناس فى الملف عدنا عمليات حقن مجهرى ... ربنا يجازينا خير عن كل شكة ابرة آلمتنا ...ويعوضنا بالحمل السليم الكامل الخلقه ...

    بالنسبة لموضوع الكحت حكلم الدكتور عليه لما اروحله فى الزيارة الجاية بإذن الله

    بالنسبة لموضوع التحاليل أنا بالفعل كنت عملت جزء من تحاليل المناعة وطلعت كويسة حتلاقيها فى السى فى بتاعى وناقشت دكتور هميسه انى اعمل باقى التحاليل فرد عليا ( بصى تحاليل المناعة اكثر مما تتخيلى وفى جزء منها اصلا مابيتعملش غير فى امريكا وفى جزء اكيد لسه محدش توصله وفى حاله اكتشاف ان حد عنده حاجة فى المناعة بندى كورتيزون يبقى الاسهل ناخد كورتيزون لمدة اسبوعين وهو كافى لتثبيط اى حاجة فى المناعة ممكن تطرد الجنين.

    بالنسبة لحديثك عن اللى عندها 42 سنة وحملت رغم صعوبة ذلك وحيث انك طبيبة عاوزة استفسر منك لأنى الشهر الجاى حتم 42 ( هل صعوبة الحمل ناتج من نوعية الاجنة واللى فى الغالب ضعيفة وسيئة ولا بسبب مواصفات فى قدرة الرحم على الاحتفاظ بالاجنة ... عاوزة افهم لو كانت الاجنة كويسة ومعقوله هل برده فيه صعوبة فى الحمل ؟؟ )

  2. رمـــــال
    ميزوووووووووووووو ... انتى هاييييييييييييييله اقتراحك ده جميل تحفه اوى انا معاكى فيه وراشقه يعنى لا مفر ربنا يعيننا يارب على الحفظ اوكســـــــــــى .. كالعادة ماشاء الله عليكى الصبر والاحتساب .. ربنا يثبتك يارب ويكرمك ياحبيبتى .. انتى بجد…
    ريمو حبيبتى ايه المدح ده كله كفاية لحسن اصدق نفسى ... يا بنتى مايغركيش كلامى ده انا ممكن دبانة مش عاوزة تتهش تضايقنى وتخلينى اتنطط زى فرس النبى ...ههههه

    نيجى للمهم دكتور هميسة الاسبوع الجاى مسافر مؤتمر والعربية عندنا بايظة وفاتحة بقها واخو جوزى تعبان من العيد فى المستشفى ربنا يكمل شفاه ... ايده فجأة احمرت ووجعته فدهنها مرهم لكنها مخفتش فراح للدكتور وخد مضاد حيوى لكنها مخفتش والموضوع ادهور لحد ماملت صديد فحجزوه فى المستشفى وقرروا يعملوله عملية والحمد لله لسه عاملها والدكتور حطله 2 فتيل فى ايده وطبعا جوزى كل يوم عنده ومش فاضيلى ..
    فلما الامور تظبط معايا حروحله بإذن الله واقوله على اقتراح ماما بتاع عملية الكحت يمكن يكون عندى حاجة فى الرحم بتطرد الاجنة ...

  3. boba boba
    اوكسى قدر الله وماشاء فعل وربنا يصبر قلبك ياحبيبتى والله يااوكسى كان نفسى ابقى جنبك واخدك فى حضنى انا عارفة انك مؤمنة بقضاء الله وقدره واكيد ياحبيبتى ربنا شايل لك خير كتير قوى مستنيكى بإذن الله انا بس يا اوكسى عاوزاكى تهدى كده …
    بوبتى حبيبتى ربنا يكرمك يارب انا عارفة انك اكتر من اخت وبتحبينى فى الله انتى وكل اخواتى فى الملف وكأنك فعلا خدتينى فى حضنك وطبطبتى عليا وقولتيلى ماتخافيش حيجى اليوم اللى بطنك تبقى ادامك ومش عارفة تنزلى على السلم علشان مش شايفة الدرجات والوقت ده قريب بإذن الله ..

    انا ناوية لما الامور تستقر عندى فى البيت والدكتور يرجع من المؤتمر أروحله وأسأله عن اقتراح عملية الكحت واشوف هو ناوى على ايه معايا لأن المرة دى العيب ماكانش من الاجنة زى المرات اللى قبل كده .

  4. @mama1983_1

    اوكسيتي
    بصي احنا كلنا عارفين ان السن بياثر صح بس كلنا برضوا عارفين ان الحمل ده بيد ربنا والا تفسري ازاي وحده اعرفها عمرها 41 وهرمون الfsh وصل ل70 وحملت ودلوقتي قربت تولد وانا هرموني اعلى عدد كان 35 وعمري 26 سنه وما حملتش ؟؟؟؟؟؟؟؟؟
    والست الي عملت معايا العمليه الاخيره وعمرها 40 واحنا الاثنين رجعنا جنين واحد وهيا الي حملت !!!! شوفتي الحاكيه بس عاوزه ربنا يقول كن وحيقول ان شاء الله يا اوكسي صدقيني لو مش عاوز يدينا كان حرمنا ندعيه بس احنا نصبر وحنول الدنيا والاخره ان شاء الله
    الحمد لله انتي المره الاخيره ده الجنين كان احسن مش كده يبقى نفضل على البرتكول الجديد ده وان شاء الله حيحصل ولو ما حصلش ممكن نجرب البرتكول القصير بس ما تيئسيش
    كمان نصيحه خدي راحه يا اوكسي وفي فيتامين ممتاز حكتبهولك لو عاوزاه الراحه عشان السيتروتيد يطلع من جسمك وما يسببش تثبيط للبويضات في العمليه الجايه

  5. mahaadham
    يا عم البلطجة ايه ده كله ايه ده كله لا لا لا غلبتي ريا وسكينة مع بعض يلا يا جماعة اجرو بسرعة لحسن فطومة شكلها كدة ناوية تعضنا بس بجد عجبتني الجملة الاخيرة جدا ومتهيالي مفيش بعدها كلام صح يا ريمو وبعدين انتوا مينفعش متحبونيش ومتخفوش على …
    لا مانسيتش يا مها... ماكنتش اعرف وقتها ان نيفو هى اللى بتسمى عيال الملف ودخلت زى الغشيم وسيميت مش عارفة كانت مين حامل وقتها ومن ساعتها وتوبة من دى النوبة معلش بقى سامحونى واصبروا لما نوفى ترجعلنا وتفوق كده علشان تمخمخلوكوا اسمين حلوين

تابعي تجارب أخرى من هذا القسم.