هل تؤيدين دخول زوجك غرفة الولاده؟؟؟؟؟؟

بصراحه الموضوع شيق مرة ،،
وانا وزوجي متفقين انه يدخل معاي لأني انا مرة اخاف وهوة مرة حنون بس المشكله انى اخاف عليه من منظر الدم لأنه ما يحب يشوف الدم ولا انا كمان اكرهه ،،

بس عجبتني الفكرة انه يحضر وقت الطلق والالم والتعب وبس اذا جت طلعة الراس يطلع ،،،وبإذن الله تعالى بسويها ..

انا مؤيده هذه الفكره وفعلا عملتها بولادتي الاولى بأبني اللي توفى :( ولما الدكتوره قالت خلاص ولاده وانا بعز الالم قلت له اطلع من الغرفه :30:

في ولادتي الأولى حضر زوجي الولادة كاملة لأني كنت بغربة و محتاجة له معي و في أمريكا عادة يصرون أن يحضر الزوج أو أحد المقربين للولادة دعماً لنفسية الزوجة و تشجيعاً لها , و كان زوجي واقف عند راسي طوووول الطلق أكثر من سبع ساعات ... بس ما كان يشوفني من تحت لأني كنت مغطاة بشرشف.... و لما قرب البيبي يطلع ... أغمي عليه و جابوا له عصير و قعدوه على كرسي عند راسي ... و بعدين قال لي انه حس بدوخة من لما شاف لون وجهي مثل الطماطم كأنه بينفجر !

ولا مرة دخل معاية غرفت الولادة
يجلس برة الين مااخلص وينقلوني غرفت التنويم
بس
الصراحة لازم الزوج يشوف زوجته كيف تتعب وتتالم
ليش كل شي يشوفه جاهز

وبعدين موشرط يقعد يطالع البلاوي اللي من تحت
ممكن يقعد جنبي ويدير ضهره
وبعدين يسمع معاية صوت البيبي لما يطلع
افكر اسويها المرة هذي

حصل معي نفس موقفك يا امينه :) في ولادتي البكريه

عموما انا هذا الحمل الرابع لي .. و كل مره زوجي يدخل معاي الى ان يجي وقت طلوع الراس اقول له خلاص اطلع ....

في اخر ولاده لي قال هالمره ماراح اطلع و بالفعل وافقت .. و سال الدكتوره كم باقي لها قالت له تقريبا ساعه و نص .. قال اجل انا بطلع ادخن و برجع .. في لحظه طلعته جاني الم و قالت لي الدكتوره ادفعي برافوا عليك خلاص الراس طلع

وانا افكر في اللي يدخن برا :(

ما امداه يجي يدق الجرس عشان يفتحون له الباب الا الممرضه تقول له مبروك جالك ولد :)

بس هالمره بعون الله بخليه معي الى ان اولد .. ماتتخيلون يا بنات الراحه النفسيه

خصوصا اذا زوجك حنون و كلامه يهون عليك :)