بنات اْنا حامل بنت وش اْسوي علشان تتحول لولد

بعض الانبياء عليهم السلام دعوا ان الله يرزقهم ولد

والحمد لله الدعاء لله والتمنى مافيها شي بالعكس ربي يحب اللي يدعي ويلح بالدعاء

واحنا اذا طلبنا الولد نبيه محرم وسند لنا في حياتنا ماطلبنا حرام او اتمنينا منكر

الحمد لله القران فيه عبر لمن يقراءه ويتفكر فيه

وام السيده مريم كانت تتمناها ولد ودعت الله

وقالت ((( ليس الذكر كالانثى )))

والحمد لله راح ندعي ونتمنى ونلح بالدعاء

والله كريم راح يستجيب لنا باذنه تعالى

صادقه والله

الحمدلله والشكر له على النعمه
ووالله فديت البنات يهبلوووووون يالبى قلوبهم دللللع

هذا الموضوع كان في راسي من فترة ..

هو شيء طبيعي أن الواحد يتمنى يصير عنده الأثنين ..

ولكن ربي يرزق من يشاء ..

الحين اني اتمنى أول ما أحمل شيء طبيعي

أما أني اعلق نفسي في أشياء وهمية مثل هال السونار يخطئ ؟؟ وحاااامي موالح ؟؟ بطني شكلة كذا ؟؟
هذا جد أكبر غلط .. ويضيع متعه الحمل ..

خلاص إذا السونار أكد لك أنها بنت أسمتعتي وتسوقي في العالم الوردي ..
واذا أكد لك أنه ولد فهنيئاً لك العالم الأزرق ..

وإذا كنتي راح تفقدي متعه الحمل بمعرفة جنس البيبي .. لاتعرفين يكون أفضل ..

لأن ربي أعلم بكل حال .. ولو كاتب لك الولد راح يجيك .. من غير جدول ومن غير حميات .. ومن غير خرافات ..

أنا اللي يرفع ضغطي أن أحياناً أحسهم يراكضون ورا الولد علشان أبو الشباب .. يعني يايكون راح يخليها تحمل على طول .. ولا مهددها يتزوج وحدة تانية ..
صحيح يكسرون خاطري .. ولكن مستحيل أني بشتغل فقاسة علشان هذا السبب .. ولازم الرجال يعرفون أن الزوجة مالها ذنب وهذي عطايا الرحمن ..

انا بكري كانت بنت .. وحملت من غير تخطيط وعمرها 3 شهور .. وأنا وزوجي كنا نقول مايفرق بنت أو ولد ..
والسونار أكد أنها بنت .. والحمد لله متحمسين نشوفها .. أنا وزوجي وأهلي وأهلة ..

لأن فعلاً تحديد جنس الطفل مو بيد أحد .. وكلهم نعمة من عند الله .. فا الأفضل الحمد والشكر ..

بدل الأعتراض .. وتمني عكس اللي ببطنك .. لأنه أحس نوع من الجحود إستغفر الله ..

الحمد لله لك يارب على رزق الأطفال .. وياارب أرزق كل محروم ..