خادمتي و الأكزيما .. عذاب لاأدري متى ينتهي

مراااااحب ... كيفكم يا اعز حوائيات .. مشكلتي واضحة من العنوان :44:.. شغالتي جاتها أكزيما من ثلاث شهور , و عالجناها بكريمات و الحمد لله ,, أسبوع و طابت .. و قبل ثلاث اسابيع رجعت لها و كانت شديده جدا ,, و ديتها المركز الصحي قالت لي الدكتوره ما نقدر نعالجها وديها طبيب بشره ,, و ديتها استشاري بشره و سوالها تحاليل دم و هي صايمه , و عطاها إبره و عطاها حبوب نوعين و كريمات ,, و قالي هذه الاكزيما مالها حل نهائي ,, و بترجع لها بعد فتره ,, و إذا رجعت اشتري نفس الدواء مره ثانيه ..
و بعد اسبوعين رجعت الاكزما لها ,, و جبت لها الدواء , و هو عبارة عن حبوب كرتزون , و حبوب لمنع الحكه , و كريم , و للاسف خفت اسبوع بالضبط و الحين رجعت ,, ما أدري وش اسوي معها !!!!
و الله إني حريصه عليها حتى المواعين البسها قلفز إذا جت تغسلها , و الحمام لما تنظفه تلبس قلفز ,, و الكلوركس ما تلمسها بيدها ,, و الله مليت من كثر ما تتشكى لي ,, كل شوي واقفه على راسي و تصيح ,,
تكفون ابي حل !!!!

10 تعليق 2,184 مشاهدة

شاركي في النقاش

سجلي الدخول لإضافة تعليق.

التعليقات

10
  1. @shmokh_thlyl

    حبيبتي لاتحط يدها في المويا كثير واستمري على العلاج
    وبعد ماتخف جيبي لها فازلين وخليها تحطه كل شوي
    والله اختي تعذبت معاها
  2. @lady_needs

    شــوفي يا إخــتي
    خليها تـجرب مرهـم دكتارين كلمة ممتاز قليله فيه
    وحبوب توقف الحكه مافي مثل حبوب زيرتك ممتااااازهـ
  3. @noor_aldnya_3

    صاحبة الموضوع
    ألف شكر أختي شموخ .. أساسا ما عندها شغل كثير ,, يعني شغلها في التنظيف و الغسيل ينتهي تقريبا الساعة 4 العصر ,,, و أنا أغسل ملابسنا لأن غسالتي أوتوماتيك و ما أبغاها تخربها ,,, و المواعين تلبس قلفز إذا بتغسلها .
    حبيبتي ليدي .. إنتي تقصدين دكتارين حق الالتهابات النسائية ماغيره ؟ و مشكوره على ردك .. ما قصرتي .
  4. @lady_needs

    لا يا إختي أقصد حق الأكزيما
    أعرف حق الالتهابات هو فيه منه للاتهابات وللأكزيما والفطريات
    أسألي عنه مره ممتاز

تابعي تجارب أخرى من هذا القسم.