زوجي و سوق التنين_المشورة يا بنات الامارات الله يحفظكم

مرحبا بنات ..كل عام و انتوا بألف خير و صحة و سلامه...

بنات الله يخليكم بغيتكم تشورون علي بموضوع وايد متعبني...

نحن قاعدين نبني بيتنا اليديد و ريلي ملزم علي نشتري كل أغراض تشطيبات البيت من أطقم حمامات+مغاسل +أثاث+أبواب +سيراميك من سو ق التنين (السوق الصيني-دراغون مول) :icon33:

يا بنات انا اللي اعرفه ان البضايع الصينيه جودتها مب لهاك الزود...وبنفس الوقت غامضني ريلي و كاسر خاطري لان وضعه المالي وايد زفت..

شو أسوي يا بنات شوروا علي الله يحفظكم و يخليلكم عيالكم..شو رايكم في بضايع هالسوق؟ و اذا هي فعلا رديئة شو أسوي..تراني و الله أكتب لكم و الدمعه في عيني.

19 تعليق 9,556 مشاهدة

شاركي في النقاش

سجلي الدخول لإضافة تعليق.

التعليقات

19
  1. اختي العزيزة تبغين نصيحتي سوي الي بقولش علية
    المنتوجات الصينية جيدة ولكن متتحمل كثير انا نصحني
    مهندس بطريقة وجد زينة وهي تحطين المنتوجات الصينية
    مثل اطقم الحمام في الحمامات الي مفية ضغط وجد اي استعمال
    بسيط وبعدين سوق التنين مافية محلات اثاث وجد وانا خبيرة فية من
    كثر مروحلة احسن شي عندة الموادالكهربائية مثل الثريات وغيرة
    والحين فتح محل وجدزين فية اشيه تهبل وجد وكله علية ضمان 3سنين
    واذا بغيتي اي سؤال اسالي ولا تستحي
  2. هلا حبيبتي وسلامتك من الحيره
    أقول توكلي على الله واشتري البورسلان وجميع الارضيات وبلاط الحمامات والمطبخ من السوق الصيني لانه بصراحه اسعارهم ولا اروع وبعدين من قال لج ان جودتهم مو ذاك الزود بالعكس والله اسالي احد مجرب يكون احسن لك ونصيحه مدي رجولك على قد لحافك انتي وزوجك المسكين واهم شي يكون لكم بيت يضمكم وصدقيني ارضاء الناس غاية لاتدرك حتى لو اشتريتي من اغلى المحلات بيقولون وع ذوقها مب حلو او أي كلام فنصيحة اخت محبه لك وللخير لا تسوين الا الي انتي وزوجك مقتنعين فيه
    انا مثلج ابني الحين وفي مرحلة التشطيبات واشتريت بورسلين وبلاط الحمام والمغسله الزجاج والحنفيات كله من هناك والي يجي ويشوف يتوقع اني مشتريه الاغراض من ارقى محل
    سامحيني طولت عليج بس والله انا حاسه بالحيره الي انتي فيها
    الله يوفقج
  3. @mkhlsh_lzogha

    الله يعينك

    اختلفت الاراء


    مالى غير الدعاء لج الله يعطيكى خير البيت ويكافيكى شره

    وتدخلونه زايدين مو ناقصين يا رب


    اللهم اسعدها واجعله بيت مبارك يا رب العالمين

    ووسع عليها من فضلك ورحمتك يا رب

تابعي تجارب أخرى من هذا القسم.