وش افضل دبي- ماليزيا -تركيا

السلام عليكم ورحمه الله وبركاته

بنات با حلوات يا اللي قد مريتو وسافرتو وشفتو الدنيا

انا وحده عمري ما سافرت برا
حدي ابها والشرقيه وجده

ابي اسالكم زوجي عطاني خيارات

1\ دبي وهو مررره يبي الامارات
2\ ماليزيا
3\ تركيا

طبعا زوجي يحب يسافر وكل الخيارات راح لها من قبل

انا محتاره هو يبي الامارات من زمان ما راح لها وانا ابي ماليزيا وتركيا ومحتاره

وخصوصا اني ما ابي افك الغطا يعني ابي البس عبايه على الكتف مستره ونقاب
وابي اماكن حلوه للي تلبس غطا

والشي الثاني عندي بنت عمرها سنه ونص
اخذها ولا اخليها عند اهلي واروح اتمشى؟؟

طبعا التمشيه بتكون مده اسبوع وان شاء الله بتكون نهاية البرد

ابي اقترحاتكم ومعلوماتكم واللي عندها رابط تدزه لي:27:

الاماكن الاسعار الفنادق تعامل الناس تراني ما عمري تعديت الحدود خخخخخ <<شكلها خايفه:35:

44 تعليق 9,929 مشاهدة

شاركي في النقاش

سجلي الدخول لإضافة تعليق.

التعليقات

43
  1. @am_yara_12

    روحي دبي دامها بس اسبووع لان ماليزيا 9 ساعات والمفروض اقل شيء تقعدين فيها 14 يوم وبالنسبة

    لبنتك حسب تعلق فيها اذا ماتتحملين اخذيها ووحده ماتعب،، والسفر متعه ولاتخافين وودي احط روابط

    او نصايح بس مدتكم قصيره مره حاولي تزيدينها اقل شيء 10 ايام وسافري ماليزيا وان شاء الله ماراح تندمين

    تركيا ماعرفها بس شفت تقارير شكلها حلوه

    سفرة ممتعه ان شاء الله
  2. @dydooo

    صاحبة الموضوع
    مشكورة ام يار على الرد

    وش اسوي هي اسبوع وبالقوه صارت اسبوع ولا كانت بتكون 5 ايام!!
  3. @am_lyoony

    دبي توني راجعه منها يبيلها مزانيه واكثرها سوقه واكثرها اجانب وانا حسيت اني غريبه مو بدوله خليجيه هالاجانب يطالعون فيني برعب لاني متنقبه انا انصحك بماليزيا انا مارحت لها بنات عمي يمدحونها والله يوفقك ويسهل دربك ويوصلك بالسلامه يارب
  4. @mako_nym

    اذ كنتي تبين طبيعه كيرلا تجنننننننننننننن توي جايه منها واذ اسواق دبي واذا اماكن تمشيه ماليزياء واذ معالم تاريخيه تركيا

تابعي تجارب أخرى من هذا القسم.