طيب حبوبات أنا راح أبدأ بجدول عنايتي لشعري
اعرفكم اول شي على شعري المحترم الفاضل طبعا شعري طبيعته عادي ومجعد واسود وقصير مايطول لاني كنت اقصه باستمرار ومقصف ويتساقط بس بنسبة بسيطة
وكان شعري حد رقبتي فقط مايطول عن هيك
حاليا استخدم له اكثر من شغلة
1- خلطة سمن شوكة وملعقة وهذا رابطها
http://forum.hawaaworld.com/showthread.php?t=2601385
والله تطول الشعر وتفك التجاعيد وتحسين بالنعومة من اول يوم واستخدمها مرتين في الأسبوع الجمعة والاثنين ولازم تتركي الاستشوار هالفترة
احطها في الصبح يوم الجمعة والاثنين واغسلها ثاني يوم الصباح بموية عادية وشامبو ألفيف من لوريال واتركه لين ينشف لوحده
انتبهوا تمشطوا او تستشورا شعوركم وهي مبللة
وبالنسبة لطريقة نواة التمر المطحونة : هاتي نواة التمر واغسليها وانزعي كل القشور اللي حولها وغسليها ثاني (ممكن تنقعيها ساعتين) وبعدها نشفيها وحطيها بصينية ودخليها الفرن واتركيها لين تصير سوداء وبعدين دقيها بالهاوند لين تصير صغيرة وحطيها بطحانة البهارات واطحنيها
- عصير الجرجير : (وهذا استخدمه بعد مااغسل شعري ويجف من الخلطة اللي فوق )طحنت الجرجير مع شوية موية وصفيته وخذت الماي بس وحطيتها في بخاخ زجاجي وحطيتها في الثلاجة واستخدمها مرتين في الاسبوع على شعري وهو جاف ونظيف طبعا قبل مااستخدمها بنص ساعة اخرجها علشان يدفى العصير واستخدمها بطريقة البخ علشان توصل للجذور وافرك فروة راسي بأطراف اصابعي علشان انشط الدورة الدموية واتركه لين يجف والنتيجة انه شعري صار اكثف من اول بشوي وفيه مناطق طلع فيها الشعر وخصوصا مقدمة الرأس والله في شعرات بدأت تظهر لي الحين شهرين تقريبا استخدمه .
- زيت الحبة السوداء النقي من المعصرة واحط معه زيت السمسم النقي من المعصرة وافرك به فروة الراس مرة وحدة في الاسبوع بس وانتبهوا نسبة زيت الحبة السوداء تكون مساوية او اقل من نسبة زيت السمسم ولا تستخدموه لحاله لانه قوي جدااا
جربوا طريقتي وبتدعوا لي وطبعا عندي يومين ارتاح فيهم واحيانا اسوي حمام زيت فاشكول بالثوم او خلطة المايونيز بالعسل وصفار البيض والزبادي بس من مرة في الاسبوعين او مرة في الشهر يعني مو دايما واحيانا يعدي الشهر مااسويها
تجمــــــــــع البنات السمرررررتحت شعار (لانااحلى [الرجاء فتح تجمع جديد]
متابعة النقاش، صفحة 58




