شاركي في النقاش

سجلي الدخول لإضافة تعليق.

التعليقات

35
  1. @am_loly_ososy

    يااااااااااجعل اللي ترد ربي يوفقها ويحقق لها ما تمنت

    عشان هالدعوه الحلوه بقولك طريقتي في المصابيب الجوناااان ..جربيها وبتدعين لي أكثر من كذا ان شاء الله <<واثقه وبقووه خخخخخ
    طيب خذي المقادير : كأس دقيق أسمر -نص كاس دقيق أبيض (الكويتي أنا أستخدم) -ملعقة بكنج بودر-ملعقتين حليب ناشف-بيضه-شوي زيت ما أقيش بس تقريبآ ثلث بياله _ربع ملعقة ملح _ملعقتين سكر_والمويه مالها مقدار معين أصب وأعجن ..وخلي العجينه سايله مرره بحيث انك لما تاخذين منها بالمغرفه ماتحسين بثقلها (أتمنى أكون وصلت الفكره مضبوط )..وبس .. وتمتعي بألذ مصابيب ممكن تذوقينها ..وبالعاااااااافيه عليك .
  2. ياحليلتس
    بالنسبه لبيكنق بودر يستخدم اذا الخلطه سايله والخميره للعجن وفي الصبيب مايضر اللي تبين بس فيه ناس ماتحب البيكنق بودر مثل جدتي تقول يخلي الصبيب يتهتم عاد انت فكي خط
    اهم شيء اذا انت عجله حطي بيكنق بودر واذا بتريحين العجينه شوي خليها خميره وانا استخدم الخميره وجربي يوم كذا ويوم كذا
    وترى هم تطري الصبيب يعني اللي مايحط لا ذي ولا ذي يكون صبيبه قاسي شوي
    وبس

تابعي تجارب أخرى من هذا القسم.