شاركي في النقاش

سجلي الدخول لإضافة تعليق.

التعليقات

1,808
  1. @alghalyh_qtr

    هلاااااااااااااااا والله بكل الحوامل شخباركم ان شاء الله كل شي تمام

    بيني وبينكم مكاااان الفراشه يبييين وايد مايندرى عنها .... مع ان والله كنت جايبه معاي كم اقتراح عشان اعطيها وتسوي لنا ملف خاص بقصصنا احنا بالولاده يعني ملف ولاده خاص فينا لكن مدري وين اختفت

    حنين قطر والله اضحك ذاك اليوم اقرا بيض الصعو بيني وبينج النك ماشي علي بس والله كمبيوتر البيت مخترب واقعد اطر اللاب تووب طر من زوجي لحد مايتكرم ويعطيني لان شغله كله عالكمبيوتر ....................والله الصراحه يابنات سوالفكم تينن والوحده ماتشبع منها


    خلوني اقول لكم اخر نكته معااي ..... بيني وبينكم انا يمكن من السادس او السابع مقاطعه الجماااااااااااااااااع تماما ..مدري شفيني خررفت احس اني من يوم مادشيت التاسع وانا ((شاده حيلي)) اخبر الناس توقف في التاسع وانا عكس العالم ابدا في التاسع


    حنين بغيت اسئلج انتي تتابعين عند اي دكتوره بالولاده ؟؟؟ مدري يمكن سئلتج من قبل بس ترا انا المعلومات ضاربه عندي خبرج قاعده في البيت والميموري كارد عندي يبيلله ابدييت
  2. @hnyn_ktr

    مرحبا حوامل .. شخباركم ، كل هذي سوالف !! ماحب يفوتني شي ههههه
    رديني : كنت أنام على بطني لين الخامس تقريبا ، بس الحين مستحيل ، تخيلي عاد نايمه على بطني ألحين ورجولي معلقه من الكرشه هههههههه والله تخيلت شكلي ..
    والدم كان بعد الجماع ، نزل شوي بس ووقف ، بكره عندي موعد بسأل ..

    فيوز اللوز : هلا حبيبتي ، شخبارج .. الدم كان فاتح وعقب الجماع ، مب دم ولاده .. لسه بدري :) وأهم شي عنق الرحم يكون مسكر ، بكره بسأل في الموعد ..

    شموخ: انا بعد فقدتكم ، بس نومي معفوس ، تلقيني لين الصبح قاعده بعدين انام ..
    ذكرتيني بالبطن ، أمس بطني متيبس علي كأن حجر ، وبنتي قاعده على جبدي ذبحتني ، أكلمها آقولها نزلي يا بنت أبي انام ، مافي فايده .. :( آحس بضيق والله ..وماقدر اتنفس

    طمنطيخه : ايوالله صاجه ، انا بعد الجماع بنتي قعدت لي فوق في جبدي .. نزل دم وبس ..
    أتوقع هو يسرع الولاده إذا كان فيه طلق بس ..

    أنوار العمر : هههه اليوم قلتله ماراح امشي مثل أمس ، ذبحني والله ..
    وبالنسبه لستيانات الرضاعه خذي لج 3 او 4 بس ، تراهم اريح لأنهم قطن ، وخفاف ، ويتبطلون بسهوله ، وإذا مذركير حفظوا شكلج روحي ماركس سبنسر إذا عندكم ، أنا خذتهم من هناك ، اشكالهم احلى بوايد ، ونوعيتهم ممتازه ، وعندهم الوان ، بيج ووردي .. مذركير عندهم بس ابيض واسود ..
    حلو اسم جود ، وبعد اسم نجود آحبه من زمان ..

    ريح النفل : حياج معانا ، والله يقومج بالسلامه

    هلاااااااااااا بيض الصعو اون لاين :D !! وينج انتي ؟؟
    ههههه عيل كمبيوترج خربان .. معليش سامحتج ..
    انا اتابع عن الدكتوره سميره ، صراحه هي ماتعجبني وايد ، بس أحسن شي فيها تعطي اجازات .. وهذا الي أبيه
    والخاص اتابع عند عدنان عصام .. انتي عند من ؟؟
  3. انوار .. ابتعدي عن المآسي هالايام لاتقرين قصص كفايه علينا التعب هههههههههههه


    الغاليه قطر ...

    فكرتج حلوه ليش ماتنفذينها انتي ؟؟؟

    لان اتوقع ان الفراشه ولدت

    منووووووووووره حنين :)
  4. @rdyn_3

    فيوز اللوز
    انوار عندك وعندي خير ... نفس الحالة هو يقول لي والله كرهت ذا المحل من كثر ما جيته... وانا ارد علية انة مو كل يوم عندك عيال.. انت ما تبي عيال تحمل..خخخخخخخ
    طمنطيخة .انوار.شموخ. فيوز كيفكم بناات ان شاء الله بخيرر
    ريحة الفـــــــــــــــــــــــــــــل حياك اختي الله يهون علي وعليك :27:
    هوجست منكم انت :27: م وقصة الحبل السري المكتوب راح يصير بلا هواجيس انتي وياه
    اشوا انوار كنت بفتح هالقصة بس مافيني لضيقة الخاطر يكفيني اللي فيني
    بناات في موضوع عن المرميه بالمنتدى سالت لاني الصراحة اشربها مع الشاي قلت زينه في الشهر التاسع تعجل بالولادة وتفتح الرحم بس لي ااسبوع اشربها ماصار شي :icon33:
    ( ماززززززززززززل البحث جاري عن طاطا شكلها ولدت موعد ولادتها بكررة )
  5. @hnyn_ktr

    هلا شموخ ، بوجودج والله ..
    ليش مستعجلين على ملف الولاده ، إذا الفراشه ولدت أكيد بتفتح موضوع قصص الولاده ..
    إحنا متفقين قبل ..

    أنا بوصي حد يدخل يقولكم لما أولد .. بس القصه بقولها عقب ما ارجع البيت ان شاءالله :)

تابعي تجارب أخرى من هذا القسم.