شاركي في النقاش

سجلي الدخول لإضافة تعليق.

التعليقات

364
  1. @aoshal

    السلام عليكم

    أشلووووووون البطوطاااااات كلهم
    وشخبار البرد معاكم

    حبيبتي رشيقة
    ولايهمج البنت وامها تحت أمرج
    وشكلي بسكب للمهندسة.من الحين
    تتغلى اهيا اولدها مانابي اللي ما يبينا :D

    شخبار الكل رورو ورحا وشامة ولااحد لوكالوريز فرحة وكرزة وخميرة
    والكل الكلللللللللللل

    وأنا الحمدلله واااااايد فرحانة حركة البنوتة
    أحس فيها بشكل يومي والحمدلله
    وأمس سويت سونار وتطمنت عليها
    فديت قلبها كل شي تمام حتى المشيمة
    كانت نازلة بس الحين كل شي طبيعي
    المهم

    بطلبكم طلب

    إن شاء الله على أخر الشهر ناوية أجهز غرفة البيبي

    أتمنى تقترحون علي شنو اصبغ الغرفة بس
    لا تقولون وردي ابي ألوان ثانية ...
    وشنو الاثاث اللي لازم اوفره بغرفة البيبي
    والأكسسوارات
    وأهم شي السرير شنو موصفاته يعني خشب ؟ فولاذ ؟ ولا بلاستيك :D

    أتمنى ما تبخلووون علي بقتراحاتكم




    أدعوووولي أحصل أعلى علامات مرتفعة بالامتحانات وأتوفق
  2. هلا فيكم بنات
    ولا اااحد
    قالو لي ان فيه ازمة فساتين بالرياض أثر انت وبنوتك اللي مسوينها ههههه
    الله يخليها لك وعقبال ما تشرين فستان زواجها
    البنات بهالسن مشتراك لهم متعة بس خل يكبرون شوي تطلع عينك ويفضى جيبك من التطقيمات والمغريات لهم اكثر من العيال
    مشمش
    الله يسمع منك يا مشمشة ويرزقني برهم وطاعتهم
    فرحة قلبه
    الله يسلم عمرك يا قلبي
    وما تشوفين شر ومثل ما قالت لك رحا الغرغرة بهالفترة اسلم شي تسوينها وفي صيدلية الدواء تركيبة محلول هم مسوينها تتخفف بمويه وتسوينها غرغرة تنشف الاحتقان مجربتها انا اول ما حملت روعة واكيد لها بدايل بس اسالي الصيدلي
    أوشال
    كلك طيب يا حلوة والبنوته في عيوني >>> مو بصير خالتها
    وبالنسبة لحجرة البيبي كلامك صح ابعدي عن الالوان الصريحة وردي و ازرق
    وخليك عالالوان المحايدة لانها تبرز الديكور
    شوفي البيج الفاتح المعتق خفيف وبعد هاللون يعطي مساحة
    وحطي بوردر بالوان بناتية حلوة وفيه منه طقم مع الستارة ومفرش السرير ولوحات صغار بنفس الالوان بس نصيحة ابعدي عن ورق الجدران لكامل الغرفة مع الرطوبه الزينه اللي بجونا ما يحتاج
    والمستلزمات للغرفة تعتمد على سؤال هل بتحطين البيبي فيها من اول ما ينولد ولا يكون بغرفتك لين يكبر شوي انا عن نفسي ما اطلع عيالي قبل ينتظم نومهم ورضاعتهم عالسنة اذا بتحطينه فيها على طول اهم شي تحتاجين لجهاز اللي تسمعين فيه البيبي ويقولون البنات الحين صار مع كاميرا تشوفينه بعد ومحتاجة السلة المتحركة اللي بحامل تحطين فيها البيبي لعم 4 شهور ومحتاجة لسرير خشب افضل نوع وآمن على الطفل وخذي الحجم الكبير بحواجز ترتفع وتنزل حسب عمره و اللي يكفيه لسنتين او ثلاث تحتاجين له طاولة للتغيير الملابس وغالبا يكون تحتها دواليب لحفظ مستلزمات الطفل وادواته واكيد بتحتاجين دولاب صغير لحفظ ملابسه وجلاسة يقعد فيها غير الاكسسوارات والالعاب اللي ممكن تشترينها يستفيد منها وبنفس الوقت ديكور للحجرة
    عشان اسهل عليك الموضوع شوفي كتالوجات التصاميم الأمريكية واكيد تلقينها بالمكتبات صراحة تفننهم شي عجيب وخصوصا حجر النوم وكل هالمستلزمات ممكن تلقينها بسيتي بلازا وتويزر اص ومذر كير
    توصي بعروستنا لا تخلين بخاطرها شي ههههه
  3. @aoshal

    حبيبتي رشيقة مشكورة على الرد
    وأنا بحط البيبي اول ماينولد بعد الاربعين بأذن الله فيها
    ومشكووورة على أقتراحاتج وأنتظر بقية البنات إن شاء الله يفيدوونا
  4. هلاااااااااااااااهل بالكعبولات كلهم...
    كيفكم...
    بنات انا راح أنزلكم مواضيعي اللي لقيتها بمنتدى الملكه واعجبتني ...مفيده بالمره وخصوصا لنا البكريات...
    الموضوع الأول:
    هذا تبع شكل بيبياتنا .

    الثاني:
    كيف تتعاملين مع المتاعب الشائعه في الحمل..

    الثالث:
    ويناسبك يا أوشال وكل الحمولااااااات... :27:
    تسوقي لمولودك الجديد..

    ودعواتكم لي ولاخوي.. :(

تابعي تجارب أخرى من هذا القسم.