تجمع الموقنات برحمة الله(خبرات متبادلة حول مراكز العقم في مصر)الجزء ال19

حبيبتى ماما ربنا كريم وحنين وعند ظن عبده به واحنا ظننا بالله انه حيدينا ويقر عينا بس هو كان مجرد استفسار مش اكثر عن علاقة السن بقلة نسبة حدوث الحمل وهل هو معتمد على نوعية الاجنة فقط ولا كمان قدرة الرحم على استقبال الاجنة..... بالنسبة للعمرة انا عملت 3 عمرات قبل ما اتجوز ودعيت هناك بالزوج الصالح والذرية الصالحة وبعد الزواج عملت عمرتين وآخر واحدة دعيت وانا بطوف انى اقدر اوصل للملتزم عشان الدعاء عنده مستجاب وربنا مكنى من الدعاء هناك ومكنتش انانية يا دوب دعيت بالذرية الصالحة وسبت المكان لغيرى ودى كانت شهر 6 عام 2009 بعد كده فكرت انا وجوزى ان كفاية عمرات بقى وندخر للحج وانتى عارفة العمليات بتاخد الاخضر واليابس بس انا نظمتله حاله وقليل دائم خير من كثير متقطع وعلى 2013 نقدر بإذن الله نحج وبعد كده نبقى نعمل عمرات براحتنا ...

يارب يا زوزو يارب ... بالنسبة لشكوتك من جوزك ... هاهاهاو ....كلنا هذا الرجل انا جوزى مصنع متنقل للكسل تعرفى لو عاوز ينام ينام فى مكانه ويكسل يروح السرير ولو بالقدر كان نايم على السرير وبيتفرج على التليفزيون وكبس عليه النوم ينام من غير ما يتغطى ولا يطفى النور ولا التليفزيون ولو كنت نايمة قبله ممكن اقوم الاقيه على الوضع ده ومرات نمت قبله وصحيت الصبح لقيته نايم على الكرسى قدام الكمبيوتر ... عشان كده دلوقت بحاول مانامش لحد ما انومه الاول كأنه ابنى الصغير مش جوزى .

انا كويسة يا نادو الحمد لله ومنتظرة موضوع اخو جوزى ينتهى على خير علشان جوزى يفضالى ويجى معايا عند الدكتور لأن الزيارة دى مهمة ولازم يكون حاضر فيها وكمان يكون هميسة رجع من السفر ... قوليلى انتى ناوية على ايه حتقضيها تنشيط ولا حتعملى تلقيح صناعى ..

ربنا يكرمك يا ميزو يارب ويباركلك فى احمد ويمن عليكى بأخت او اخ ليه

انا العملية اتحددتلي

بكره ان شاء الله الصبح الساعه 8

انا خايفه اوي بجد

ممكن متنسونيش في الدعاء

ربنا يكرم يارب