حياج الله بنا اختي .
بصراحة نسبة نجاح التلقيح الصناعي ضعيفة لكن اكيد في ناس تنجح معاهم انا اخترت اني اتخطاها لاني بصراحة ما حسيت انها تستحق المحاولة و قلت ما دام المنشطات هي هي و الادوية هي هي اكمل للانابيب احسن واضمن .. بالنسبة للدكتورة ريم الطلب زايد عليها هالايام :27: انا بعد ناوية اسوي عندها محاولة الارجاع عند ريم ان شاء الله حسيتها طيبة و حبوبة وتهتم في مرضاها و ايدها خفيفة ..الله يجعلها سبب يارب لحملنا .
موفقة يارب و نفرح فيج في توأم ان شاء الله يارب.
الله يعينج يارب فعلا احيانا الامور جذي تتعقد من كل جهة و بعدها سبحان الله ما توعين الا كل شي تسهل و تيسر .
خدامتك و الله ما ادري ايش اقولج خلج على مينونج ترى و الله استقدام الخدامات صاير صعب حاولين تعالجينها او تشوفين ايش سالفتها تبي تتشرد من الشغل و لو في امكانية جيبي وحدة ثانية خاصة انج تشتغلين علشان تكون وحدة للياهل و وحدة لشغل البيت .
السواق لا تعطينه ويه اناعلى بداية المدارس سواقي قالي زيدوني و الا ما ابي اشتغل معلمينة السواقين الثانين قام ريلي حجزله تذكره نفس اليوم و لما شاف السالفة صج تحسف انا ناوية ازيده بس هو استعيل على رزقه
و ولدج الله يعينج انا كان ولدي عمره ٦ سنوات و متشوق للبيبي بس بعد حسيته تأثر و اول ما دخل المستشفى شاف اخوه جاته حالة سكون فترة بعدها عادي فانتي حاولي تحببينه في البيبي و تروينه ان كل الناس عندهم اخوان و خوات علشان يلعبون مع بعض و اشتريله شغلات قوليله ان هدية من البيبي و حتى قبل لا تربين اشتري شي كبير و خشيه ويوم يجي في المستشفى ان شاء الله عطيه اياه قولي انه من البيبي و شاركيه في اختيار اغراض البيبي ان شاء الله و فترة و بتعدي ... يقولون ان لو حسيت ان الطفل وايد متأثر بالطفل الجديد لا تعطينه وايد اهتمام علشان ما يشتغل و يحس هو ان شي كبير يعني تجاهليه شوي .
و الله المستعان انتي قدها ان شاء الله ..و عليج بالدعاء و الله الدعاء يسوي العجب انا تعلمت اني في ابسط الاشياء اتوجه لربي حتى لما جيت اعلم كوكو على الحمام الله يعزج كنت ادعي و لما لعوزني اول الروضة و كفخ عيال الناس بعد دعيتله بالهداية و الحمد لله ربي ما ردني :27:
ملف المقبلات على اطفال الانابيب والحوامل في دولة قطر (التجمع الثــــامن )
متابعة النقاش، صفحة 426