شاركي في النقاش

سجلي الدخول لإضافة تعليق.

التعليقات

2,025

  1. صباح الخير يا قمرات
    معلش انا اتأخرت شوية بس فعلا تعبانه من ساعة ما جيت وحاسة اني مش بخف بالرغم اني باخد علاج كتيير وبقالي فترة كبييرة من قبل ما انزل مصر ، بس الحمد لله دي ضريبة الحج وانا فرحانه بيها اوي اوي
    بس بقولكو انو غصب عني

    زوزو وميزو
    ازيكم عاملين ايه
    هتنوري مصر يا زوزو ، تيجي بالسلامة يا رب
    وميزو ربنا يجزيكي خير علي تحفيظ القرآن ، ربنا يكرمك يا رب

    بالنسبة للحجامة انا عملتها في مركز طبي عند د/ ايمان
    العنوان: 73 السويسري ب - محطة الجامع بجوار سوق السيارات بجوار مسجد نور الهدى - الحي العاشر - مدينة نصر
    ت: 0123974198

    وعلي فكرة ممكن جوزك يا زوزو يروح معاكي ويعمل عند د / محمد في نفس المكان
    وربنا معاكو يا رب وتفيدكو بإذن الله

  2. توفي
    ربنا معاكي يا رب وتكون العملية دي فاتحة خير عليكي وتحملي بعدها حمل سليم تسع شهور بأمر الله

    أودي
    ازيك يا قمراية
    ربنا يحفظك يا رب ويكملك بألف خير وتطمني علي البيبي النهاردة وتطمنينا

    دوعة ونادو
    ازيك يا حبيبي ، ربنا يكرمك في التنشيط ونبارك قريب جدا
    علي فكرة انتو من الناس اللي كانو بيجو في بالي كتيييييييييييييير اوي في الدعاء
    ربنا يتقبل مني يا رب

    ميكو
    ازيك يا حبيبيتي وازاي مايوية
    ربنا يخليهالك ويحفظها يا رب


  3. اوكسي وماماتو

    لو اقولكو اني نفسي بجد بجد احمل معاكو في نفس الوقت مش هتصدقو
    بس فعلا ربنا العالم انا نفسي حلمي ده يتحقق ومش هيكمل غير بحملكو انتو الاتنين معايا علشان احنا اكتر ناس عملنا عمليات الحقن دي
    ربنا يجازينا خير جزاء علي كل شكة ابرة يا رب

    وربنا ينولكو اللي بالكو يا ماماتو
    وبرافو عليكي علي الحجامة والكورس بتاع الأعشاب انا هحاول اقلدك واعمل زيك واتبع نفس الكورس بتاع الأعشاب وربنا كريم اوي اوي اوي

  4. طمطم
    ازيك يا حبيبتي عامله ايه
    وسلامتك من الأه
    وان شاء الله فرج ربنا قريب اوي اوي اوي
    بس انتي ناوية اليومين دول علي ايه في اخر كل المناقشات والمناوشات اللي حصلت علشان انا مفهمتش هتعملي ايه ؟
    هل هتنشطي فقط ولا هتتجهي للحقن ؟؟
    في كلتا الحالتين ربنا يجيبلك الخير كله يا رب
    بس طمنينا علييكي
    وطبعا منستكيش في الدعاء وربنا العالم انتي ونيفووووووووو
    بس هيا فين انا مش لقيتلها مشاركات خالص خالص
    ربنا يعملها الخير يا رب


  5. مهاميهوووووووووووووو

    اللهم بارك اللهم بارك اللهم بارك
    ما شاء الله لا قوة الا بالله

    ربنا يكملك علي خير يا رب يا حبيبتي وتبقي زرية صالحة بإذن الله
    خلي بالك من نفسك اوي وكل الكلام اللي قلتيه وعملتيه وقت الانتظار جميل اوي اوي وفعلا لازم نقتدي بيه كلنا
    ربنا يزيدنا ايمان يا رب ويثبتنا

تابعي تجارب أخرى من هذا القسم.