السلام عليكم
كيفكم ان شاء الله مستانسين
مابطول عليكم امس رحت سويت اشعه صوتيه كان فيه متدربه معنا بالغرفه الدكتوره قاعده توريها على كل شغله على الشاشه وهي تسوي الاشعه لي المهم كانت تتكلم انجليزي بعدين قالت بالعربي اللي يسمونها (الشفة الارنبيه)
قلت يادكتوره الجنين سليم او فيه عاهات قالت سليم وطبيعي مافيه شي
طيب ليه قالت الكلمه ذي معناته ان الجنين فيه هالمرض
لما رجعت البيت وانا موسوسه من طلعت من عندها قريت عنه بالانترنت لقيته صعب ويأثر على نفسية الاهل ويبيلها عمليه تجميليه وحنك صناعي على شان الطفل يعرف يرضع وشغلات كثيره
قلت لزوجي بروح العصر اليوم اسوي اشعه على حسابي مارضى يقول تأثر على الجنين
السؤال هل تتوقعون ان الاشعه ممكن تبين العاهه الخلقيه عند الجنين بشكل عام ايا كانت هالعاهه خصوصا اني مو قادره اصبر لين الموعد بعد اسبوعين
وثانيالو اروح بكره اسوي اشعه هل تضر الجنين صدق ولا اتوكل على الله واسويها
خصوصا ان زوجي الموضوع عنده عادي وربي انه مافكر يقول لي عادي لاتهتمين واذا عنده هالشي :eek:
شاركي في النقاش
سجلي الدخول لإضافة تعليق.
التعليقات
28- استودعيه الله الغالية
يمكن مو تقصد ولدك فيه يمكن هي تقول انه يظهر بالجهاز حتى ابسط العيوب الخلقيه من ضمنها الشفه الارنبيه يمكن
صديقتي ولد عمها فيه شفه ارنبيه وسووله تجميل تقول صار ممتاز الحين
لا ان شاء الله بسم الله عليك مافي جنينك الا كل خير
ياقلبي ليش توسوسين دااااااااام الدكتوره طمنتك الدكتوره تقدر تقولك ليش تخبي عنك اذا قالت لك شفة طفلك ارنبيه عااااااااادي عندهم المشكله انه عااااااادي عندهم اذا قالولك انتي حامل بكيس مايقولون جنين ويقولون مابان هو طفل ولا كيس الحين عيب خلقي بسيط تغبيه عن الام طبعا لاااااااا
انتبهي الدكتوره قالت سليم هي تشرح للمتدربه انه يبان بالاشعه هذا اللي وضح لي
يمكن المتدربه سألتها قبل عن الشفه الارنبيه تبان في الاشعه ولا لا وقالت لها كذا
لاتسوين كثرت اشعات اخاف يظر الجنين لانه تخيلي يصوره جوووووا الرحم ... واذا قالولك مايضر ياقلبي مومعقوله مايضر كثرته لان الشيء اللي يزيد عن حده يقتلب ضده
وداااااااام الماء نقصه خطر وزيااااااااادته بعد خطر والاعتدال فيه هو المطلوب
انتي استودعي جنينك الله ودعي ربك يالغاليه بصلاتك انه ولد يكون سليم طبيعي مافيه اي عيب او نقص او زياده - ليه تشغلين بالك بشي مقدر بعلم الغيب
انتي قلتيها ان الدكتورة كانت تكلم المتدربه ممكن كانت تقولها عن كيف تكتشف الشفه الارنبيه مثلا تقولها لوكانت الصوره فيها كذا وكذا تدل على الشفه الارنبيه مو شرط انها بجنيننك لاقدر الله
انا افهم انجليزي واحياناا يكون مع الدكتور متدربين واعرف الكلام اللي يدور بينهم بدون مااعلمهم
فكان الدكتور يقول للمتدرب كيف عرفت ان اللي عند المريض فتحه بالصمام مو بعضلة القلب والمتدرب يسالني بالعربي
ويجاوب على الدكتور بالانجليزي من خلال اجوبتي وحالة طفلي
يعلمه كيف يستنتج حالة المريض
واشياء كثيره بس انتي لاتشغلين بالك - ان شاء الله مافيه الا العااافيه...انا سمعت دكتورة عاليه اللي تجي في قناه بداايه تقول الاشعه ماتااثر كثرتهاااا...بس انتي اسالي
- الاشعه ماتثر
- حبيبتي لاتخافين عادي ان شاءالله
يمكن تشرح لها الدكتوره وش ممكن السونار يطلع
ولو فيه شي ليه تخبي عليك الدكتوره
لاتوسوسين ان شاءالله كل شي طبيعي
انتي بس استودعيه الله الذي لاتضيع ودائعه
والله يرزقك بالطفل السليم المعافى
مواضيع مشابهة
تابعي تجارب أخرى من هذا القسم.