إزيكم يا بنانيت يا حلوين
أم إياد بارك الله لكما في ما وهبكما
ويارب ربنا يفرحكم برؤيته يارب العالمين يارب
اوكسي حبيبتي الحمد لله إنك معانا شويه مش زي الأول
متغبيش عننا بقى الله يكرمك
توتا حمدالله على سلامتك يا قمر وربنا يتقبل منكم إن شاء الله
دعيتيلي هناك ولا لالالالالالا
عارفه لو كنتي نسيتي ياللا مش هقولك هعمل فيكي إيه
نادو عامله إيه يا عروسه وإيه أخبارك الشهر ده
متابعه مع الدكتور ولا لأ
مها يا عسوله التغذيه في الشهور الأولى مهمه جدا للجنين اكثر منك
لأن ده المرحله اللي بيتكون فيها أعضائه الأساسيه
فلازم اكلك يكون كامل العناصر الغذائيه بالذات الحليب لما يحتويه من كالسيوم
وإلا بعيد الشر سنان النونو تطلع ضعيفه وتسوس بسرعه
أما إنت بقى فالغذاء مطلوب علشان تقدري تكملي الحمل على خير بإذن الله
بصي يا قمر ده موقع فوق الممتاز لمتابعة الحمل والبيبي كمان
ياريت تدخلي عليه وتتابعيه إنت وأم إياد
وممكن تشتركي فيه وهما كل أسبوع هيبعتولك ميل بالتطورات الجديده بتاعت حملك في الأسبوع ده وصوره للبيبي كمان
وربنا يتمملكم على خير يارب
http://arabia.babycenter.com/
أنا حطالك اللينك بتاعت الموقع بالعربي لو عايزه لغة تانيه ممكن تغيري من تحت
وداع عامله إيه يا جميل
يارب ربنا يقر عينك بما تتمني الشهر ده يارب
ماما مطمنتيناش عملتي إيه أنا عماله ادعيلك من ساعتها
ربنا يرزقكم بما تتمنوا يارب العالمين ويحققلكم كل احلامكم يارب
شيمو بقالك كتير مبتدخليش زي الأول وتقوليلنا أخبارك
متهيألي خلاص قربتي تخلصي مرحلة العلاج صح
ريمو إنت فين أنا قلقانه عليكي
تعالى طمنينا يا حبيبتي
إشتقت إيه أخبارك وأخبار عمور وأنوس ربنا يباركلك فيهم
تعالي بقى وخليكي معانا زي زمان
فاطمه على فكره إنت مش عاجباني خالص
وبصراحه نفسي أشوفك وجها لوجه مش عارفه ليه
أنا مش عاجبني الإكتىب الكتير اللي إنت فيه ده
بس أنا عندي إحساس هقولك عليه وقوليلي أنا صح ولا لأ
إنت السبب الرئيسي في حالتك النفسيه الضعيفه ده مش هو الحمل صح؟؟؟؟
انا حاسه إن السبب هو الناس اللي حواليكي اللي بيعاملوكي وكأنك السبب في تأخر الحمل صح؟؟؟؟
عارفه أنا ليه بقول كده لن تاخر الحمل ده إبتلاء وإختبار لينا من ربنا سبحانه وتعالى مش ممكن نقابله بالضعف ده وإلا نبقى خسرنا في الإمتحان وكمان مرزقناش بالذريه ..... أنا بقول كده لأن معلوماتي إنك الحمد لله إيمانك بالله كبير وصبرك وإحتسابك اللي بيحصلك ده لله كبير برده ومن علامات الصبر الرضا بقضاء الله وعدم الإعتراض .
يبقى أكيد السبب هما اللي حواليك في حد حواليكي منغص عليكي حياتك صح يا حبيبتي ؟؟؟؟؟
ياريت تقوليلي إحساسي صح ولا لأ علشان لو صح يبقى لازم نشوف حل للناس ده وإزاي تتعاملي معاهم
ماينفعش تعيشي كده علطول مكتآبه ونفسيتك ضعيفه
وإنت الحمد لله نعم ربنا عليكي لا تعد ولا تحصى
بندوقه ربنا يبارك في العريسين لبعض يارب
ومبروك لأخت زوجك
وعقبالك يا حلوه إنت كمان يارب
بوبا إيه أخبار أرؤر باشا نفسي تولدي بقى يا بوبا
إنت طولتي قوي على فكره
تجمع الموقنات برحمة الله(خبرات متبادلة حول مراكز العقم في مصر)الجزء ال19
متابعة النقاش، صفحة 174