زوجي و سوق التنين_المشورة يا بنات الامارات الله يحفظكم

الصراحة غلطنا غلطة عمرنا يوم حطينا الجرانيت والسيراميك من النوع الصيني نحن حطيناه في الصالة والغرف
قام من أقل خدش ولا من دز الأثاث ينخدش مافيه متانه
ولو شاي طاح عليه ينكسر

باقي البيت مثل المطبخ والمظلة والمجل والحمامات نوعت بين سيراميك رأس الخيمة والأسباني لكن الفرق واضح المتانه والنوعية الجيدة ولو عقيتي عليه طابوقة ما يتكسر

سيراميك راس الخيمة رخيص ولكنه جيد
الأسباني غالي ولكنه الأفضل والأحلى

اختي الغاليه

توكلي على الله وهذي هب مشكلة .. على الاقل انتم عندكم بيزات(فلوس) تشترون.. ناس ماعندهم سقف يسترهم :)

وبعدين الصين الحينه تنافس اليابان وامريكا وصارت من الدول المنافسه في الصناعات هب مثل اول يوم يقولون الصين بس عندها ايدي عاملة من غير جودة في نوعية الصناعه بالعكس تطورت وايد وصارت تطورت صناعاتها وايد وايد .. شوفي اوروبا والعالم كله تقريبا صار يعتمد على الصناعات الصينيه اغلى الماركات الحينه من ملابس_اثاث_ادوات الحمام _ المطبخ ...الخ بتشوفينها صناعات صينيه مش تقريبا اقولج الاكثرية.

والسموحه منج :)
خويتج بنت المناصير

حبيبتي عروس الساحل.....انا ما بقول لج اتوقع ويقولون..انا جربت:) بس بيني وبينج ما تقولين لحد
الحمد لله ما شريت غير شاور(للحمام عزج الله) وشكله يجنننننننننننننننننن عجبنيي ويوم رديت البيت كنت مستعجله اركبه واستعمله ولكن الصدمه انه عقب ما شغلنا الماي كان الشاور ينزل ماي تقول خيووووط خفيفه حتى توقعنا انه الماي ضعيف..لين ثاني يوم بعد نفس الشي رغم انه شكله راقيييييي تقول مال فنادق عالميه..المهم يبناله سباك تعرفي شو قال:؟ قال انه البيب ماله ضيق لدرجه انه ما يستوعب ماي وايد وقال لزوجي انه المنتجات الصينيه حلوه بس موب للحنفيات وهاي الاشياء يعني تقدري تقولين برسلان رخام ثريات او حتى احواض سباحه بس الاشياء الي تحسين انها كثيره الاستخدام او انها اوليه موب ثنويه صعب الصيني يطول معانا وانتي تعرفين استخدام العرب كيف:)
انشاء الله اكون فدتج

اغراظهم عيبتني وااايد وخصوصا الجاكوزي والحين حبطتوني ؟؟؟

السلام عليكم ورحمة الله وبركاتة

حبيبتي نصيحه لا تاخذين من سوق التنين لأن بضاعتهم رديئه .................سيري

الشارقه فيها اشياء حلوه وسعارها معقوله وبعدين هذى بيت العمر ........ولاتنسين

ان ادوات الحمام مع الماء والرطوبه تصدي اشتري اشياء مضمونه