البكر غير و الثاني غير صدقيني يعني اللي صار اول مرة مب بالضرورة يتكرر ..انا الاول قيصيري لان كان بالمقعدة وفي الثاني وايد دكاترة قالولي هذا حمل عزيز و احسن القيصري بس دكتورتي اللي تابعت معاها اخر شي و انا بعد اصرينا على الطبيعي خاصة ان مافيني عيب خلقي يمنع يعني و الحمد لله ولدت طبيعي وانا جربت الاثنين و الله الطبيعي خلصي ولادة و روحي اركضي يعني الاولين لما يقولون الوحدة تولد و تقوم تسوي الغداء ما يبالغون لانه اتخيل انه ممكن سبحان الله و عقب القيصيرية تعالي اخذي فترة لحد ما تتعدل مشيتج .. ضحكتي عورج الجرح كحيتي عورج الجرح .. غير هالايام كل الناس جرحهم يلتهب ..
انتي لا تستعجلين و تقررين استخيري و قولي ربي سخري و يسير لي الخير و بس .. و انتي كل تحاتين احسج كليتي عمرج من المحاتاه لا تسوين جذي ان شاء الله كل شي بيتيسر و الله يا عمري علشان صحتج و علشان حملج ..لا تحاتين و تتوترين وايد مب زين .؟؟ و سياسة حمد وحدة القيصرية ما يسونها بسهولة اذا بغيتي قيصرية عندج رزفي تحب تشقق البطون على طول قيصري .. بس ما انصحج فيهم وحدة من اهلي خذت ابرة الظهر عندهم بغت تموت الدواء طلع على فوق بدل ما ينزل في ريولها و كانت بتقاضيهم بس اخر شي اخصمولها في السعر علشان يراضونها و كل يوم يتصلون فيها لان الدواء ارتفع على فوق و نفسها وقف ..
ان شاء الله لو ما عديتي اليوم ٢١ من دورتج بيعطيج الابرة التحضيرية لو عديتي اتوقع تنطرين اليوم ٢١ من الدورة اللي بعدها ..ما راح يأجل المحاولة لا ..
ان شاء الله يا رب يرزقج الحمل الصحيح السليم يارب .
امين يارب انا و انتي و تكون لي و لج الثالثة ثابته يارب لانها بتكون الثالثة بعد ولدي ..
ملف المقبلات على اطفال الانابيب والحوامل في دولة قطر (التجمع التاسع )
متابعة النقاش، صفحة 13