زوجي ووصدمتي تكفون مالي غيركم الله يحرمكم من النار

انا من رأيي انك تطنشينه ولا تعبريه واقول لك اهتمي بنفسك اكثر وبنتك واستغفري ربك وبعدين وش فيك نسيتي ان الله موجود وراح ياخذ بحقك ولا تحسسيه بحاجه وان شاء الله راح يرجعلك وهو ندمان انا اكلمك عن تجربه صارت لوحدة صديقتي تخيلوا كان يكلم بنت طول الوقت وزوجته حست فيه وشافت المسجات والمكالمات لا كانت هي الاخرى حامل في شهرها الاخير بدل ما يوقف معها هي انصدمت فيه مرتين شوفي وش سوى صدق رجال اخر زمن بس سبحان الله مع الاستغفار واهتمت بنفسها شوي ومااشغلت نفسها فيه الحمد لله تقول رجع زي اول والرقم مسحه من جواله

الله يفرج همك ويصرفها عنك ويشغلها في نفسها

السلام عليكم ورحمة الله
الصراحه شي يحزن والله ..
بس من رايي يااختي اتصرفي بعقلانيه اكثر من العواطف ..
شغلي مخك واول شي خليني اكلمك من باب التجربه هو رجال واكيد انه عارف الشي الي يسويه غلط عشان كذا مايعترف لك واذا تبين النصيحه وهذا عن تجربه صدقيني
اجلسي معه بيوم هادي وتكوني مزبطه الغرفه ومزينتها وجهك منور وصدرك منشرح لاي ردت فعل صارحيه وقولي له يابو فلان يشهد علي ربي اني احبك ومن غلاتك ماودي تفارقني طول اليوم والله اني اخاف عليك من النسمه الطايره ..مو اشوفك تطيح بالنار واسكت ..يابو فلان انا شفت كذا وكذا واثبتي له بالدليل الي شفتيه بس بشرط تكونين هاااااااااااااااااااااااااااااااااااااديه ولاتخلينه يتكلم لين تخلصين ..
قولي له الشي الي تسويه مايرضي ربك ولا خلقه كيف تبي الله يرزقك من واسع فضله وانت تعصيه ليل ونهار هذا الطريق مثل ماقالو الشيطان يجر الانسان له جر اوله ابتسامه فسلامٌ وكلام فموعدُ فلقاء ..وهذا الي بيوصله ابليس يوقعك في ذنب عشان يخرب بيتك ومستقبلك ..والمعصيه هذي لاتفكر انها بتقتصر عليك انتبه الي تسويه في بنات الناس والله ولا محاله بيجي في بنتك او زوجتك او حتى اختك وتنطعن بنفس الاسلوب الي طعنت اهل الي تكلمها ويمكن اكثر وانت تشوف بعينك.. خاف ربك فيني وفي بنتك واخواتك والله المعصيه ماراح تفيدك لو يسير شي في محارمك ..وقولي له قصة السقا الي يسقي للخليفه لمن سافر ولد الخليفه للتجارة ابوه وصاه يحافظ على نفسه ودينه واهل بيته الولد استغرب كيف يحفظ اهل بيته وهو مسافر عنهم اصلا
واثناء رحلته كان يشرب ماء من البئر فشاهد فتاه اجمل ماخلق ربي وبدون شعور ذهب فقبلها وهرب وندم ..ثم بعد مرور الاسابيع عاد لابيه مستبشرا بما ربحه من التجاره فسئله ابوه عن مالذي فعله اثناء سفره فذكر كل شي ماعدى تلك الفتاة ,فقال له ابووه يابني هذا كل ماحدث ولم تنسى شيء قال له الابن نعم فضحك الابو وقال يابني تعرف فلان السقا.!؟ قال نعم الرجل الذي يحضر الماء للبيت .قال الاب اتى يوم يابني فجائنا السقا على موعده وكنت انا اراه من اعلى الشرفةِ في البيت وفتحت له اختك الباب فضهر شيء من يدها ورائها السقا ثم قبل يدها وهرب..فبكى الابن وقص لابيه ماحدث مع تلك الفتاة ..فرد عليه الاب ايييه يابني {دقةٌ بدقه ولو زدت لزاد السقا }
وخوفيه بالله والوعيد والشديد والفضيحه وكيف بيكون في نظر الناس وحيفقد حتى ثقته بنفسه ..............

والكلام لك اختي ..
يعلم الله اني احبك فالله ونصيحتي اطلبي منه الزواج اذا اراد وانكي توافقين على زواجه من اخرى في سبيل ان يبتعد عن الحرام اختي انا اكلمك من واقع تجربه وانني فعلت هذا الشيء فو الله ثم والله انه تغير 180 درجه عن ماكان يفعله وكره تصرفاته لانه حس بالذنب وتاكد بانني اخاف عليه واضحي لاجله حتى بحياتي لابعده عن طريق الهلاك ..
اختي اذا رفضتي زواجه فسوف يسلك هذا الطريق الذي لن يخرج منه بسهوله او تهدم حياتك وتخسرينه ..استخيري واستغفري والجئي بالدعاء اخر الليل وبين الاذان والاقامه لاتنسيه من الدعاء وانضري من اعمالك اذا فعلتي شر فاستغفري ربك وتصدقي فوالله لن يخيبك الله كوني معه ليكون معكي ..
واسئل الله ان يهدي لك زوجك ويرده لك ردا جميلا وان يهدي الفتاة يارب
اهم شي التزمي الهدوء واريحي بالك واتركي التفتيش والبحث والتحري فهو له رب يحاسبه انتي عليك الدعااااااااااااء والنصيحه اما قول خدعني وطعني فهو لم يخدع سوى نفسه ولم يخُن سوى نفسه ودينه اما انتي فبعيده كل البعد عن هذا

اسفه على الاطاله