|| .... تجمعنا أمهات التوائم الرضع والخدج .... ||

صبحكم الله بالخير ..

المعذره ماتواصلت معاكم اليومين اللي راحو ماشاء الله شغالين طريدي ورى الكبار والصغار مجهوووووووووود وجهاد وربي الام من يوفي حقها ..
ماشاء الله عندي الكبار حتى الصلاه نجاهد معاهم الله يهديهم ويصلحهم ..

الحمد لله عيالي نوعا ما نوهم انتظم رغم انها تجي ايام يخبصو كل شي ويصحو نص الليل ولو صحى واحد الثاني وراه وهاتلك ياضحك ماشاء الله عليهم كأنهم مشتاقين لبعض ..

جدولي معاهم يبدأ من يوم يصحو تغير بامبرز وفطور عباره عن شوفان مع حليب وعلى النار مع شوية ملح .. (وجبه مغذيه جدا نسميها هريسه )
وبعدها احممهم ومضاربه مع رنو عشان امشط شعرها ( حشا شعر رابنزل ع غفله ) على فكره انا احممهم في البانيو وهم واقفين لاني مالقيت غير ذي الطريقه صح ريحتني من ناحية حركتهم الكثيره ماشاء الله بس اكمل منهم وظهري يادوب ارفعو ..
وبعدها رضعه من ننة ماما ونومه لمدة ساعه او ساعه الا ربع تقريبا اخليهم براحتهم بذي النومه ..

يصحو يكونو جيعانين يكون الغدا جاهز نأكلهم من أكل البيت ماشاء الله .. طبعا المريله حق الاكل العدو اللدود لهم مدري ليش عيالي حاجتين مايطيقوها المشايه والمريله وخايفه اجيب كرسي الأكل ومايرضو يتربطو فيه واتورط فيه عفش ع الفاضي ..

بعدها لعب ماشاء الله واخوانهم مايخلو مجال ماشاء الله طالعين نازلين وياخذوهم معاهم مره بقاله مره شارع وكل ماشافو حد طالع يبغو يطلعو معاه دشييييييييييييير ذولي النتف ..

طبعا خلال اليوم اعطيهم زبادي مع عسل وزادي فروله ولبن مع فواكه كل يوم شي واذا سوينا شي بالبت من معجنات او حلى اعطيتهم وذوقتهم ماشاء الله ومعودتهم امسكهم الفاكهه بيدهم زي التفاح اقشر واعطيهم والبرتقال والموز يحوسو شوي بس عادي اهم شي يتعودو .. بالاضافه لرضعات الحليب ومايشربو الا الين 100 للان واحط في الرضعه نص ملعقه سريلاك بالرز ..

والعشا .. بيض مع جبن او هريسه او زبادي او مهلبيه يعني مو شي محدد ..

وبعدها بفترة ساعه تقريبا تغير بامبرز وبجايم واحلى نومه ماشاء الله لاقوة الا بالله .. طبعا انا عشان ارضع طبيعي اكثر شي بفضل الله وقت النوم اعطي واحد من صدري والثاني رضاعه واذا قامو يبكو اعكس الموضوع .. لزوم العدل

واسأل الله ان يبارك لي ولكم ويحفظهم ..

هلا والله برستيج ...
والله يخليلك عيالك يارب
اي والله رحمه من ربي ان هالتوأم جو وعندي كبار بصراحه شايلين عني كثيييير الحمد لله
اما افلام رعب ههههههههه انا احسهم هم الرعب بذاااااتو وربي احط راسي وانا خايفه يقومو يسولي حفله