التجمع 26 لتباشير ولادة حوامل شهر نوفمبر وديسمبر

جوري اصفر الله يهون عليكم يالمعوشرات
من جد تكون الحاله شي لايحسد عليه
يالله بنات نوفمبر نبي تباشير اليوم 1-12
خلاص سلموا لنا المفتاح والا ترى بناخذه غصب عنكم

مرحبا شموووخ..الله يفرج كربنا ويسهل علينا جميعا
انا كل الاعراض مريت فيها ..الام الظهر والشد اسفل البطن والاام عظام الحوض والعانة ودخول الحمام بكثرة وانتي بكرامة...والحرقان لابد منه بعد الوجبات الدسمة بس صرت اتلافاه بإني ما اتمدد وانسدح بعد الاكل مباشرة والشي الثاني قللت قهوة وشاي ومقليات واشياء فيها صلصة كثير.

أما النفاس..الحمدلله ماعندنا تعقيدات في تجهيزاته
اللبس شريت لي روبين استقبال مرتبة ومشغولة بدانتيل من فوق من واحة الجلابية وطقمت معاها شالات للراس والباقي بجايم وارواب شتوية من لاسنزا وآخر فرصة وكم محل غيرهم.بالاضافة الى سنتيانات الرضاعة والشورتات والسراويل الطويلة عشان تدفي الجسم.
وفيه حاجة حلوة جابها زوجي من ساكو وعجبتني صراحة وهي مخدة الرضاعة اللي على شكل حلقة تنحط على الوسط تحت البيبي عشان يرفعه وترضعينه وظهرك مرتاح
واذا كبر الطفل وصار يجلس تصير تسنده عشان مايطيح لما يكون جالس او يلعب ع الارض



والبيبي جبت له السرير اللي ينشال من سنتر بوينت احطها فيه اذا جاني احد..
الضيافة / ناوية اعبي صحن كبير من شوكولاين واجيب مكسرات وتمريات من الرفاعي ومعجنات صغيرة جاهزة للتقديم مع الشاي والقهوة وصلى الله وبارك.يمكن لأن ضيوفي قليل مرة هنا فما شلت هم الضيافة كثير.
اللي اهتميت فيه اكل النفاس الخاص بي فرزنت لي كم شغلة لاول اسبوع ع الاقل ( حنيني، مصابيب بر ،عصيدة تمر )
وجهزت علب شاي الاعشاب واللهومات اللي تنصح بها قشر قهوة..وشريت دقيق بر وعسل اسود وتمر..واكيد بانتظار مشاركات البنات عشان نستفيد اكثر.

مبررررررررووك التجمع الجديد ...

ان شالله مايخلص الا الكل والد يارب بصحه وسلامه ...

اولا الشريط رافعن ضغطي ...مايمشي مادري شبلاه

وثانياا انا ابتديت امشي وماحسيت للحين باي اعراض من اعراض الولاده ولاكن انا دايماا اعوشر فماني مستعجله عللى شي ,,,

مشكور ه اسرار الغلا على الملف

ومبرووك التجمع الجديد وان شاء الله الكل يولد فيه وانا اولهم مع ان الدكتوره اخرتني اسبوعين >>>>>>قمة التحطيم