الـip هو اختصار لـinternet protocol, كل كمبيوتر في العالم متصل في اي شبكه (الانترنت مثلا) له ip يميزه عن غيره, يعني تخيلوا الـip زي العنوان البريدي مثلا, عشان الطرف الاول يرسل رساله للطرف الثاني لازم يعرف عنوانه البريدي (او الـip في حالتنا).
الـip بحد ذاته مو خطر ولا هو ثغره, بالعكس بدون الـip ما راح يكون فيه انترنت اساسا. كل البيانات اللي يقدر يطلعها الواحد عن ip معين عن طريق الانترنت هي الدوله و مزود الخدمه فقطططططططط, و اتحدى اذا احد يقدر يطلع معلومات اضافيه باستخدام مواقع او برامج لانه مستحيل.
الشخص ما يقدر يعرف معلوماتك الا بطريقه وحده و تحتاج معارف كثير و طولة بال. اذكر مره واحد بالتشات جاب معلومات كامله عن بنت كان يبيها, و انا متاكد 100% انه اتبع التالي:
1- سجل رقم الـip و الوقت اللي سجله فيه.
2- بما ان مزود الخدمه يحفظ في سجلاته (اوتوماتيكيا) جميع الارقام اللي دخلت الانترنت مع وقت دخولها و رقم الـip تبعها, استطاع هذا الشخص انه يوصل لرقم التلفون عن طريق واحد في مزود الخدمه.
3- بعد ما اخذ رقم التلفون اتصل على واحد يعرفه بالهاتف يساله عن صاحب التلفون و اخذ اسمه الرباعي.
4- اتصل على واحد يعرفه بالاحوال المدنيه و اعطاه الاسم الرباعي للشخص و طلب منه اسماء الاشخاص المسجلين تحته في بطاقة العائله و تواريخ ميلادهم و بكذا يكون توصل لاسم البنت و جميع الاسره (الا الذكور الكبار بما انهم يخرجون من بطاقة العائله).
5- ممكن يتصل على شركة الاتصالات و يطلع ارقام الجوالات اللي مسجله باسم البنت او اسم الاب على اساس يجيب رقم جوالها.
هذا تحليل منطقي بسيط في كيفية الحصول على معلومات عن شخص عن طريق الـip و لكن مثل ما تشوفون تحتاج معارف قويه و كثيره و فيه اماكن مختلفه. بالنسبه لتحديد موقع المنزل فما اعتقد يقدر الا اذا كان العنوان مسجل عند الاحوال او اي جهه ثانيه.
بالنسبه للي يسمون انفسهم "هكرز" فلا تخافون منهم اعرفهم زين, هذولي مثل الاطفال يتعلمون حركتين (حتى مرات بدون فهم) و يتشطرون فيها على الناس و يسمون انفسهم هاكرز, كل اللي يقدرون يسوونه انهم يخلونك تفتحين برنامج او برنامج مصاب يسبب بفتح ثغره في جهازك يخترقونك عن طريقها, يعني اذا عندك برامج حمايه كويسه و ما تفتحين الايميلات او الملفات المجهوله او ذات مصدر مجهول فما راح يلقون لك الهاكرز طريق باذن الله تعالي.
هذي بعض المعلومات على السريع و انشالله تكون فادتكم..
هل صحيح من معرفة ip يقدر الشخص يطلع اسم المستخدم ورقم البيت واي معلومات ثانيه ؟!
متابعة النقاش، صفحة 10