ساعدوني بتذويب الصابون

أنا اقولك يالغلا انا سويته قبل فتره وضبط 100% ولله الحمد
كان عندي مجموعه منوعه من الصابون بلشانه فيهم من كثرته من الجديد ومنها القديم فقمت وبشرتهم بالمبشر العادي مدري الكهربائ والله مااتذكر بالضبط ,المهم وصبيت عليهم علبه مويه ورد كامله وتركتهم لليوم الثاني يعني غطي الكميه بالمويه واتركيهم طول الليل بتلاقين الصابون ثار كانه كريم بس موناعم ,,بعدين حطيتهم على النار واضفت لهم نص علبه جليسوليد ونص علبه صغيره فيكس وشويه من الزيوت مثل زيت اللوز والخروع وحركتهم على النار لين صار مثل المهلبيه وصبيته في قالب بلاستيك غير قابل للالتصاق يشبه الصينيه مستطيل وتركته كم ساعه وقلبته وقطعته مكعبات ووزعته في اكياس شيفون واهديتها لخواتي وبناتهم ....عجبتهم الفكرة مررره

للامانه كانت ريحتهم قويه شوي عشان الفكس والزيوت اللي عليها وانتي تقدرين تتحمكمين بالريحه على حسب اضافاتك واستخداماتك لها أنا كانت اضافاتي كذا لاني ابيها تستخدم للوجه بعد الماسكات وكريمات التبييض مررره روووووعه ,,,تصفي الوجه وتبيضه,,,
وانتي اذا تبينها لليدين واستخدامها على المغاسل للضيوف ممكن تضيفين لها بدل الزيزت زيوت عطريه مثل المسك السايل او العود او أي شي تحبينه ,,,,,, وبس هذا مالدي ان شاء الله مااكون طولت عليك ومللتك من الشغله,,,حبيت افيدكم من تجربتي وابي دعواتكم ان الله يثبت حملي ويتممه على خير

الله يسعدكم يابنات انا جربت النقع وحطيته في قوالب وفعلا مثل ماقالت الاخت تفتت .........مايكرويف احسها صعبه لكن طريقه الاخت الماس بجربها والله يجزاك ويجزي كل البنات الخير

ذوبيه بالاكرويف بكاس زجاج
بايركس
ويكون قطع صغيره او مبشور على 60 ثانيه يعني دقيقه ثم خرجيه وقلبيه اذا ما ذاب تماما رجعيه كمان مثلا 10 ثوان وهكذا
كل صابونه على حسب يعني الطبيعي ما ياخذ وقت ممكن الصناعي او المضاف له مواد كمايئية يحتاج شوية صبر
او في حمام مائي ياخذ تقريبا ساعه او اقل
بالتوفيق