ايهم اهون عندك العنوسه والا الزواج والسكن بعيييد عن الاهل

صباح الخيرات للجميع


طبعا يابنات انا موضوعي جاي ع الوتر الحساس


وراح يهم اكثر البنات اللي تقدم فيهم العمر وماجاهم النصيب

اواللي كان نصيبهم انهم يتزوجون ويبعدون عن اهاليهم مثلي للاسف:44::44:


يمكن البعض مايشوفها صعبه لها الدرجه مثلي تماما قبل ما اتزوج

لكن فعلا مايحس بالنار الا رجل واطيها


انا وافقت اني ابعد عن اهلي بس عشان ما اندم بكره واقول ضيعت على نفسي الفرص
ويمر علي العمر وانا ماتزوجت وطبعا تعرفون نظرات التاس اللي ماترحم بالاضافه الى اسبابي الخاصة اللي خلتني اوافق مثل تعقيدات الاهل على الخرجات والطلعات واللبس تحكم اللي يسوى ومايسوى فيكي؟؟


انا لي تقريبا 3 سنوات متزوجه وساكنه بعيد عن اهلي
وما اخفي عليكم احياااان كثيره تمر علي لحظاات اتمنى فيها الزمن يرجع والا اختار البعد عن الاهل
وخاصة امي :icon33:



متأكده انه فيكم الكثييير اللي حالها يشبه حالي او البنات اللي يمشي فيهم العمر وهي ماتزوجت(ما ابغى اقول عوانس لاني اكره هالكلمه)



رجاء ابغى كل وحده تدخل الموضوع تعطينا رايها فيه

من باب الفضفضه عن النفس

25 تعليق 4,572 مشاهدة

شاركي في النقاش

سجلي الدخول لإضافة تعليق.

التعليقات

24
  1. صباح النور ياعسسسل


    الله يسر لك نقل زوجك يارب

    لو يرجع الزمن اختار العزوبيه :27:
    وااقول لكل البنات إللي ماتزوجوا لاتستعجلي على العرسس كله وجع راس :icon33:
    من حمل وولاده ومسئوليه بيت :angry:
  2. @yara8

    الحمدلله الذي وفقنا ورزقنا
    ويرزق جميع اخواتي المسلمات ازواج صالحين

    انا يااختي متزوجه وساكنة بعيدة عن اهلي هم بالقصيم وانا بالشرقية

    واول زواجي ماش عجزت اتآقلم بالبعد عن اهلي اقول بنفسي لو يطلقني ماراح يضيق صدري

    شوفي الاستعجال بالتفكير !!!!

    وحملت وجبت وليدي وهاللحين اذا قال يالله ترى هالاسبوع نبي نروح للقصيم صرت اشيل هم
    وبالعكس اهلي طيبين وكذلك اهل زوجي ولله الحمد بس خلاص استقريت وحبيت الشرقية وولدي مسلين ومقضي وقتي

    واهلك راح تزورينهم وتشوفينهم الان صرت كل يوم اشوف اهلي وادري عن اخبارهم صرت اقرب من القريب من خلال التلفون او كاميرة الماسنجر

    ولو فضلتي العنوسة على قولتك ...... فكري بكرا اخوانك وخواتك تزوجوا ويطول باعمار والديني ويرحم من توفي والدايهم

    ثم توفوا والديك ... وانتي رفضتي الزواج بحجت البعد بهالايام وش راح تسوين ؟؟

    تقولين ياليت متزوجه وجاني من يواسيني زوج واطفال يملون حياتي فرح وانس

    فالبعد افضل من العنوسه هي فترة وراح تتأقلمين على البعد اذا جاك اطفال تنسين العالم بعد ذلك

    والمعذرة على الإطالة

    موفقين اينما كنتم
  3. @saaaby

    اه جيتي على الجرح

    خااصة لا تزاعلتي انتي وابو الشباب تتحسفين ماعندك لا اخت تروحين لها ولا ام قريبه وكله كووم وانك تعيدين بعيد عن اهلك كوم ثاني

    يااارب انقل قريييب من اهلي يارب


    وترزقنا راحة البال
  4. @hmsat_28

    رح تتعودي على البعد وتتأقلمي انا ساكنه في ديره واهلي في ديره اول سنتسن كانت عذاب

    كل شهرين او ثلاثه وانا مسافره لهم..الحين عااادي تعدي سنه مااروح لهم ..

    اشتقلهم حيل بس ما ارتاح الا ببيتي ..واذا سافرت اقعد اسبوع والثاني الا ونا مشتاقه لبتي ودي ارجع...
  5. @alsnanyh

    صااابي
    اه جيتي على الجرح خااصة لا تزاعلتي انتي وابو الشباب تتحسفين ماعندك لا اخت تروحين لها ولا ام قريبه وكله كووم وانك تعيدين بعيد عن اهلك كوم ثاني يااارب انقل قريييب من اهلي يارب وترزقنا راحة البال
    معااااك جبتيها عالجرح
    بس يضل الزواج اهم
    والسنين تعود وتنسي ومع عيالك تنسين شوي

تابعي تجارب أخرى من هذا القسم.