الم اسفل البطن والضهرمن اليمين

أب

الله يعينك حاسه فيك انا برضه يجيني في بطني وظهري جهة اليمين ويشد برجلي من قبل الحمل

بس الحين مع الحمل بزياده

مدري وشو منطقة العجان هههههههههه اسمع فيها بس وين هي تكون اي شيء بالخرابيط اللي تحت لا اعلم


المهم انا جتني آلام بالجهه اليمين اسف شيء بمنطقة الزايده الدوديه يعني بالمبيض اليمين عورني اسبوع كامل اوجاع تنكيييد تنكد علي مو مرتاحه من الالم رحت وتدهنت وتكبيت بكبو الدخان لكن ماراح ولا تغير الالم خليته من نفسه وراح بعد اسبوع كمل
وهي مو وقت التبويض ولا هو تبويض لانه اول مره تصير معي كذا وعلى بالي برد وانا مسويه الزايده

عاد الحمدلله راح الوجع هذا بعد اسبوع بس لحظة ظهر مو يوجعني لالالا بس المنطقه هذي المبيض الايمن
انتظرت دورتي تجيني ماجتني جلست اسبوع وزياده كم يوم ولا جتني حللت منزلي طلعت خطين وحده واضح والثاني خفيف


انا مااقولك انه حمل على طول زي البنات مبروووووووووووووووك حامل هههههههه كل ماقريت وحده تتشكا من الالم يجون هالبنات مبرووووووووووووك حامل لدرجة انهم قالوها لوحده مو متزوجه هههههه

بس اذا مو حمل اكيييييييييييييد انا ارجحه قبل الحمل انه برد داخلك تدهني بزيت زيتون دافي اصلي دفيه على النار شوي لا يغلي تدفئه بس وادهني كل منطقتك وبطنك وظهرك وفخوذك وتكبي بكبو الدخان او البخار اللي تحبين والبسي سروال طويل وشراب على طول تكونين مجهزتهم قدامك وانتي تسوين الكبو واول ماتخلصين الكبو على طول البسي السروال والثياب الثقيله عشان تعرقين ويطلع البرد ولا تتحركين روحي ونسدحي لو ربع ساعه امي شيء تكونين بمكان مااافيه برد او تيار هواء كل شيء مسكر

واشربي يانسون حطي ملعقة يانسون حب في كوب وصبي عليه ماء مغلي وغطيه وخليك لمده 10 دقايق بعدين صفيه وحليه بسكر او اللي تبين انا الى الحين وانا حامل اشربه يوخر عني الغازات اللي تعورني

وتراه اذا مانفعوك الكبو واليانسون مايضرونك الحمدلله بس سويهم شوفي هل هو برد ولا لا انا يدخلني برد قبل الحمل ويذبحني برحمي وبظهري ومنطقتي الحساسه من الالام والحمدلله اذا تدهنت بالزيت الزيتون الاصلي وتكبيت بكبو الدخان ارتحت مرررررره وتروح الالام نهائيا