وافق بذيك الايام ان واحد من عيال اختي بيكمل 16 وبيدخل 17 قبلها بيومين قلنا
بنسوي له حفله مو قصدنا عيد ميلاد بقد ماهو ساعة صدر
طبعا جينا الحصا وكتبنا عليها وحطينا بينها شمووع
هابي بيرث دي و17 بالانقليزي بس مو واضحه لانا بالليل
وهذي كانت السفره لاتدققون الجود من الماجود على قولتهم
اللي بالنص بدال التورته
طبعا انا قلت لازم نسوي له باقه ورد
فجبنا جرجير وحطينا طماطه بوسطها وخلينا امه تقدمها له
وهالمهبوول كلاها كلها من الفرحه
بيوم من الايام
ملينا من اللحم الله لايغيره وحطينا همبرقر عشاء
طبعا هناك ناس رايحه جايه والكل يجي
بيوم من الايام ولد اختي الله يعافيه قال لاتسوون غداء ابغديكم طبعا هو بالرياض
وغدانا الله يعافي زوجته كل شي مسويته بالبيت سلطات على مرقوق على انواع من الرز
مره شوينا دجاج
وسويت فيها سنعه واسوي جريش هناك
صح مو مره ضبط معي
بس كانت متعه وانتي تطبخين وتحوسين
اعذروني على عدم الترتيب تعرفون مزرعه وجمعه
فماخذينها ببساطه ملينا من الرسميات
يوم الجمعه الكل رجع للرياض والكل ماله خلق
بس يالله انبسطنا مره
فعلا كانت ايام حلوه الله لايغيرها
اتمنى ان الموضوع نال اعجابكم