توفي يا عسوله
أنا فعلا لما كان بينزل عليه دم كان بيجيلي مغص زي البريوت بل أشد والله
أنا مش عايزاكي تقلقي خالص
ومادام الدكتور كان عارف فاضلك قد إيه على معاد البريوت ووافق خلاص إن شاء الله مفيش مشاكل
على فكره يا توفي قلقك الكتير وتوترك الدائم من كل حاجه بتعمليها مش صح والله
وهيضرك أكثر من ما ينفعك
ومستبعدش إنه يكون سبب في المغص والدم
حاولي تبقى هاديه شويه أحسن إنت كده لما تيجيبي نونو بإذن الله هتحطيه في علبه من كتر القلق
ربنا يا حبيبتي يكرمك يارب
أنا عملت منظارين الأول من على البطن وده كان كبير شويه
والثاني رحمي وكان قبل عمليتي الثالثه بالظبط
المنظار ممكن يتعاد طبعا بس حسب أصلا إنت كنت عاملاه ليه وهل الحاجه ده ممكن ترجع تاني ولا لأ
سيبك بقى من كل ده
وقومي إغسلي وشك وروقي شويه وإقلي بطاطسيتين وكليهم بالنيابه عني
ربنا يطمنك ويرزقك براحة البال والهدوء يارب
تجمع الموقنات برحمة الله(خبرات متبادلة حول مراكز العقم في مصر)الجزء ال19
متابعة النقاش، صفحة 198