بسم الله الرحمن الرحيم
السلام عليكم ورحمة الله وبركاته
حدث يتكرر كل سنه وفي اغلب البيوت نريد ان نناقشه
بكل جديه لعل الله ان ينفع به وتحل -بعض- آثاره
متعب شاب بالعشرينات غاث اهله صلاه مايصلي وبالبيت مايجلس
وظيفته مهملها وكل شي موب زين فيه..
ومره ام متعب زارت جارتها ام محمد
ام محمد/شخبار متعب؟
ام متعب /ياربي الولد غاثني ومايجلس بالبيت كل يوم اصلي وادعيله
ام محمد/زوجيه ويعقل
ام متعب/ماصدقت خبر على طول قالت لأبوه
يابو متعب ايش رايك نزوج الولد ويعقل
رد/ان شاء الله اعرف ابو خالد عنده بنات ماشاء الله عليهن بكرا اخطبله
وتم الزواج واللي شقى الزورجه
ادخل بالموضوع
اذ صار الولد داشر واهله ماقدروا فيه بتقدر يعني فيه بنت الناس المسكينه ؟؟
طيب الحين ذنب البنت المسكينه هذي في رقبة مين ؟؟
حتى لو تطلقت منه الحين بيبقى بداخلها جرح من تجربتها
الى متى بيكون فيه ناس ماتفكر الا في نفسها وعيالها وبس
وكثيير غيرها
عايشات مع ازواج مايملكون من الرجوله الأسم
ومتحملات القهر عشان اطفالهم
وبالاخير اطفال معقدين وزوجه معذبه !!
وهو باقي على دشرته !!
مين يتحمل ذنب هالبنات اللي ياخذها الواحد في عمر الورد ويعيشها بالجحيم
وتجيب اطفال يتعقدون نفسيا" من اللي يشوفونه كل يوم ؟؟
ليه اهل الشباب الفاسد هذولا
مايرحمون بنات الناس
ويتقون الله فيهن
ويكفون شر عيالهم عن الغير
قال الرسول -صلى الله عليه وسلم-
( احب لاخيك ماتحب لنفسك )
المفروض اللي بيخطب لولده
يفكر في بنت الناس على انها بنته هو
ويشوف يرضاه زوج لبنته اولا ..
اتمنى اسمع ارائكم حول هالموضوع..
احترامي وتقديري
شاركي في النقاش
سجلي الدخول لإضافة تعليق.
التعليقات
9- سبحان الله نفس كلامي اللي دايم اقوله
كلام صحيح 100%
الله يهدي الجميع
وجزاك الله خير - كلامك صحيح بس من يسمع طيب ليش مايعقلون ولدهم بعدين يزوجونه من جد تفكير متخلف نزوجه ويعقل ؟؟!!واذا ما عقل طيب ؟؟!!
الله يكون بعون الزوجة اللي تزوجت هالنوع من الرجال ويصبرها على دشرته .... - :44:كلامك صحيح ماادري لما متي الناس يفكرون كذا تفكير وبكرة تحمل الزوجة ويضيع اللي تجيبة اذا الوالد داشر خل يعقل وبعدين يزوجونة و**** يهدي الجميع
- والله دايم اتناقش بهالمووووووضوع
بس اذا جينا للواقع فيه حريم يسنعون الرجال وفيه حريم لا الله يهديهم تسكت على اغلب التصرفات وتندم بالنهايه
لكن بالنهايه انا اتفق معك - وأحيانآ يكون العكس ..بنتنا داشـــــــره ..زوجوها تعقل ..:(
ويتورطون عيال الناس ..وماحلينا من المشكلة شيء ..
والله أشوف نصائح كثير بالمنتدى حول نفس الفكره ..
أختي تطلع وتكلم ..عجزنا عنها ...والحل على طول زوجوها ..!!
أختي عنيده ..ولسانها طويل ..وأنانيه ..وفاشلة بدراستها ..والحل زوجوها تعقل ..!!
لكن الشرهه عاللي يزوجون بناتهم وعيالهم من أسر مايعرفون عنهم شيء ..
الآن الأسر تتخبط بالزواج يمين ويسار ..
يلقطون عرايس لعيالهم وبناتهم ..من مواقع زواج ..
من مواقع تعارف ..من منتديات ..
شافوها بزواج .وأعجبهم لبسها ورقصها ..
شافوها بحديقه ..وأعجبتهم ..
وخب طب لزق ..وشهرين والا ثلاثه ..وصارت ببيت زوجها :(
وبعدها يبدأ مسلسل غشونا بولدهم ..والا غشونا ببنتهم ..!!
وإذا جيتي للحق البنات الآن صاروا متساهلات بكثير من الامور ..
تقولين لها مايصلي والا يصلي ويخلي ..تقولك مومشكلة بكره ينصلح ويهديه ربي على يدي ..!
تقولين لها ..يسافر سنويآ ..ومدمـــــــن سفر بمعنى أصح .( وعلى دول معينه ومعروف ليش يروحون لها الشباب ) .تقولك مو مشكلة بعد الزواج أروح معاه ..!!
تقولين لها يدخـــــــــن ..يشيش ..يعسل ..تقول عادي ..ذنبه على جنبه ..هو حر !!
تقولين لها يكلم بنات ..تقولك عادي كل الشباب السعودي له ماضـــــي ..أنا أقدر أنسيه إياهم كلهم ..!
لا وأزيدك من الشعر بيت آخر موضه قرأتها هنا ..وحده تقدم لها شخص يغنى ويدق عود ويسعى ليكون مطرب " أد الدنيا" ..
ببساطه دغدغوا مشاعرها وهدأوها بكلمة " عادي موهبه "..زيها زي غيرها ..وإذا فيها ذنب فهو عليه موعليك ..
وتقريبآ إقتنعت بالفكره ..وماشيه بترتيبات الزواج ..!!
طيب لوبعد الزواج .. كافحت وناظلت وعجزت تغير من عيوبة شيء ..
أو بمعنى أصح إنصدمت بالواقع الأليـــــم وطارت أحلام العزوبيــــــــه ..شو راح تسوي بحالها ..؟؟
أكيد الإسطوانه المشروخه اللي دايم نسمعها ..حسبي الله على أهله غشوني فيه ..!!
طيب من الأول يالحلوين ..طبقوا حديث النبي صلى الله عليه وسلم .." دينه وخلقه "
تسعدي ..وترتاحي ..وتضمنى حاضرك ومستقبلك ..
مواضيع مشابهة
تابعي تجارب أخرى من هذا القسم.