شاركي في النقاش

سجلي الدخول لإضافة تعليق.

التعليقات

1,030
  1. @sun_flowr

    الملكه صالحه الله يعينك
    والله اني شايله هم انو المولود الجديد يكون نفس حالة ولدي الحين
    والله اني تعبانه معاه اذا جا وقت العمليه مرض وتأجلت
    والله يستر من هذي المره وضعي ما يتحمل تأجيل
  2. السلام عليكم

    اخباركم ياامهات

    اخر اخبار ولدي ذبحني عند السماعه كل كم شهر يخربهاا

    وتجلس في الصيانه شهر :(

    الله يعين عليه واحسه كل ماحفظ كم كلمه ينساهم وبدا كل شي عنده اشاره ولا يقرا شفايف :(

    وولدي عنده فرط حركه وتشتت انتباه .. كم دكتور شخصوو حالته

    واخذنا ادويه بس خفت وتركتهاا لانهاا مؤقته وبعد مفعولها يصير دبل النشاط

    واحسه ماراح يفلج ولا يستفيد من زراعة القوقعه

    يجيني وقت اقول ليتي ماسويت له زراعه

    مادري وش اسوي

    دعواتكم
  3. @dlaa_mody

    انثى ماتنسى

    الله يعين عليهم ياارب

    اول مابدأت بنتي جلسات تحسينها ماتبغى تجلس في الكرسي فتره طويله كل شويه تتحرك

    حتى الاخصائيه قالت يمكن عندها فرط حركه بس انا عارفه بنتي هي ملوله وماتحب احد يفرض عليها شي عشان كذا ماتحب تجلس فتره التدريب كل شوي تتحرك واكثر شي يشدها الغرفه لو فيها صور مرره تنبسط

    ويمكن عشان ضعف السمع هم كذا حركيين شويه

    الله يعيننا ويصلحهم
  4. دلع مودي

    امين الله يكون بعونا عليهم

    وصادقه سماعة القوقعه هم لانها غاليه

    ليت نحصل وحده احتياطيه ماتحمل اشوف ولدي كل فتره وفتره بدونهاا

    واخبار بنتك بعد تركيب الجهاز

    الله يتمم عليهاا وينفع بهااا يارب
  5. بنت الحموله

    الحمد لله على السلامه والله ينفع بهاا ويتمم عليه الصحه والعافيه

    وانا ماافكر ازرع لودي ثانيه ابد

    والدكتور يقول تكفي وحده

    ويوم الاربعاء اللي راح حظرت اللقاء السنوي لزارعي القوقعه بمستشفى عبد العزيز الجامعي

    وخرجوو دفعه لهم اربع سنوات زارعين ماشاء الله عاديين جدا ومن ظمنهم ليان السبيعي كانك تعرفينهاا

    اكتبي اسمهاا باليوتيوب وتطلع لك

    ماشاء الله صارت طفله طبيعيه جدا

    الله يحفظهاا ويخليهاا لاهلها

تابعي تجارب أخرى من هذا القسم.