وش اطيب به خاطر هالمسكينه

السلام عليكم


انا بدخل بالموضوع اختي اخر العنقود يتيمه الاب مات ابوي وهي في بطن امي اخواني متزوجين وعندي اربعه اخوه وعندي ثلاث اخوات

اخوي الكبير توضف عسكري وسعينا لتزوجيه باجمل عروس وتعبنا واحنا نفكر بس عمه سوى فيه الهوايل حتى تزوج بنته وهذا صار يطبقه في اواجنا احنا البنات طبعا بالمماطله


اللي بعده اخوي الكسول وله مسميات اخرى ساكن مع والدتي واختي تزوج ماله الا فتره اناني ولايحب الا نفسه
يحاسب اختي بالريال ولا كانها يتيمه هي طبعا جامعيه

اللي بعده طيب بس تحسينه اذا زوجته موجوده هي تختلق المشاكل وكمان تغار من اختي الصغيره اللي اكتب عنها


اللي بعده يمشي ورا زوجته واللي تقوله يصير واحس ارأه احس نفس كلام زوجته يعني يستشيرها في كل شي ورايها هو اللي يمشي بس حنون وطيب لكنه بعيد في مدينه بعيده



اخواتي 3 الكبيره في الرياض واللي بعدها هي قريبه يعني تجي كل خميس وجمعه والثالته هي اختي اللي ابغا اطيب خاطرها


نبدأاختي خطبوها يمكن خمسه تقريبا من يوم عمرها 19 الى عمرها اللحين 22 اخواني يشوفها كبيره ويشوفنها عنست

لأننا انا واخواتي تزوجنا بدري

وكل عريس يطلعو بعيب اللي كبير واللي ابوه واللي عليه سوابق واللي واللي المهم صارو يرفضون وهم مايتعبون انفسهم بالسؤال عنه


طبعا كل واحد من اخواني متزوج ومرتاح وما يهمه غير نفسه اختي جاها خطيب من قبيله ثانيه وهم يماطلون فيه

الكبير قال لازم عزايم وقلق ويعتذر بقلة الرواتب وصعوبه المعيشه قصده مايبغا يصرف عزايم وكذا


الثني الكسول رفض وهو على فراشه ولا اهتم


الثالث لسه بنكلمه اليوم


والرابع يتعذر انا بعيد اجلو الموضوع انا مابيدي شي انا بعيد



اختي مسكينه اللقمه تنهان عليها ومسكينه حتى الاكل تاكل من دون احد يشوفها تخاف يشوفونها ويقولون هي اللي تخلص كل شي

تدرس بالجامعه مكافأتها تروح نصها مقاضي عندها ضمان بس مايسوي شي


طبعا تستحي من اخواني كثير لدرجه تكلمهم وهي منحرجه تطلب الواحدمنه شي احسها تبغا تتزوج لان اخواني اذلوها بكل شي وبعضهم يحاسبونها
على كل ريال

والله اشياء كثيره بس وشرايكم براي اخواني



في اشياء بس انا اكتب الموضوع في ضوضاء شديده

اي استفسار رح ارد اعطوني ارأكم ومشورتكم

18 تعليق 1,933 مشاهدة

شاركي في النقاش

سجلي الدخول لإضافة تعليق.

التعليقات

18
  1. @bka_ya_klb

    ان شاءالله ربي يرزقها الزوج الصالح اللي يعوضها عن يتمها يارب

    خليها بس تصبر ولا يهمها دام امك موجوده هذي نعمه اما الاخوان مهما كان مشغولين بعيالهم

    واما السوال الزين عن الخاطب مهم جدا بالعكس احسن مايستعجلون ويعطونها من اول من طق الباب التروي بهالامور زين

    والله يرزقها عاجل غير اجل
  2. @hdoooooo_1

    الله يفرج هم اختك ويرزقها الزوج الصالح الطيب الحنون الكريم
    ويحنن قلوب اخوانها عليها وييسر امورها...
  3. @maatz_bthaty

    الله يرزقها بالزوج الصالح ..

    و اذا جاها شخص كويس وابن حلال ..

    اسعو بتزوجيها .. لو تدخلوا احد من عيلتكم اعمامكم او خوالكم

    احد كبير وله كلمه على اخوانك ويأخد موقف شديد عليهم ..
  4. @gh_sd_mn_ghyr_sot_gh

    الله يعينها ويفرج همها

    ممكن إذا الخاطب دين وأخلاقة زينة وماعلية كلام
    تدخلون احد من اعمامكم او خوالكم بالسالفة
    إن شاء الله لو هم يزوجونها إذا هي راضية
    اما اخوانها لو على قولتهم فلوس وعزايم يعني
    مي متزوجة شكلها

    الله لا يذلنا وحسبي الله على بعض الناس

تابعي تجارب أخرى من هذا القسم.