|| .... تجمعنا أمهات التوائم الرضع والخدج .... ||

يوم اني رجعت الامارات كنت فرحانة و قلت خلاص الحمدلله ما فيه كندا ... عشت هناك ثلاث سنوات واللي كرهني فيها اني كنت مداومة في المستشفيات ... و من وحدتي كانت اتيني وساوس يومية احس ان فيني مرض خطير فاروح اكشف ...
زوجي تعقد مني ولانه هو دكتور كان يقولي ما فيج شي اللي فيج نفسي بس ... وانا ما اقتنع ابد
الحياة هناك حلوة فيها استقلالية و يوم تشوفين الناس في بلادج تقولين يا ريت ارجع وارتاح ... وعلاقتج مع زوجج تكون اقوى في الغربة و هاي من احلي الايجابيات ... اما في هالبلد كل يوم مشاكل لانه الناس اللي حوالينج وايد
الجو حلو بس الشتا صعب ومع الوقت تتعودين ... اكيد احن لها وايد بس اعتبرها ذكرى و صفحة وانطوت

الحكومة ما قصرت معانا بحكم ان زوجي كان يشتغل هناك عطونا تامين صحي ... تنومت في المستشفى شهر ونص وتكفلوا بكل شي .. العملية و حضانة العيال لمدة شهر تكفلوا فيها ولله الحمد وهذا اعتبره تيسير من رب العالمين لاني استخرت وايد قبل لا اسوي الانابيب هناك ...

نظام الحضانة كان جدا حلو ... الممرضة المسؤولة عن عيالج معاج دايما ... و علمتني ارضعهم و اعطيهم حليبهم بالابرة و اغير لهم و اسبحهم و لولاهم كان ما رضعتهم طبيعي بس شجعوني و غصبوني خخخخخخ ... وعطوهم ابرة فيروس الرئة و تكفلت فيه الحكومة مع انها غالية و كلموا مستشفيات دبي عشان يوفرون الابرة للعيال ...

يعني بصراحة اخجلونا خخخخخخخ

واللي عجبني اكثر شي انهم بعد ما رجعنا بست شهور اتصلوا علي زوجي من مركز الانجاب هناك يسالون شو صار على العيال و شخبارهم وطلبوا صورهم

و عقبها دقوا علينا من الحضانة و طلبوا نعيد تحليل بول لوحدة من البنات لان النتيجة ما طلعت عندهم ..... كل هذا الاهتمام ما اتوقع كنت بلقاه اهني ... يعني ما شاء الله كفوا ووفوا ...

هذا من الناحية الطبية ممتاز ...

اما من النواحي الثانية وخصوصا الاقامة و الفيز كنا نلاقي مشكلة كبيرة تعقيدات مالها اول وتالي ...

يعني الغربة لها ايجابياتها وسلبياتها واذا قدرتي تتغلبين على الصعوبات و تتاقلمين على المعيشه هناك بتكونين مرتاحة لاخر درجة

هذا الكلام ما كنت اتوقع بقوله ... بس للاسف ذي الحقيقة المرة اللي محد حدنا عليها غير الناس و طبايعهم اهني !!!!!

انا المستشفى اللي كنت فيها يعتبر مستشفى حكومي بس احسن من مستشفياتنا بألف مرة
تدرين ان الدكتور اللي كان معاي في عملية المنظار اللي سويتها سعودي .. كان يشتغل في مستشفى الحرس عندكم والله ما اعرف شو اسمه بالضبط وراح يتخصص سنتين في كندا .. و بعدها اشرف مرة ثانية على عملية الانابيب اعتبره دكتور ممتاز جدا .. اذكر قاللي عقب عملية المنظار ان شاء الله اتيبين توأم وترتاحين خخخ وبعد الانابيب يوم عرف انهم ثلاثة قال هذي دعوتي ..
و بعدها واحد من الدكاترة اللي اشرفوا علي وانا منومة في المستشفى كان كويتي .. و غيره سعودي .. واللي كانت مع الدكتور اللي سوالي القيصرية كانت كويتية هي اللي بشرتني بالعيال ...
يعني اغلب اللي في المستشفى عرب .. هناك يعطونهم الثقة و يبدعون ... وتحسين انج بين اهلج
صح الاشراف الاكبر كان كندي .. بس هم اللي كانوا يسوون كل شي .. حتى في الحضانة كان فيه ممرض سعودي ... و كلمني عن بنتي لأن كان عندها فتحة في اخر ظهرها .. وهو اللي سوالها الالتراساوند ...

يعني بلادنا في خبرات ..... بس للأسف ما يعطونهم فرصة لشي ... و غير هذا المواطن ما يهتمون فيه .. هناك انتي كندية ولا غيره المعاملة وحدة ... و يمكن احسن بعد خخخخ




بعد الواحد يوم انه بين اهله وامه وابوه يقول الحمدلله ... لأنهم ما يتعوضون ..
صح الاستقلالية حلوة .. بس مع اول مشكلة ما تحتاجين غيرهم والله
ربي يطول بعمرهم ويخليهم




باقي يرقد بالعرض على قولتج خخخخ خلاص تعوّد الولد
بس احس بديت افك الشيفرة مالته ... لأنه في غرفته يحر لأن المكيف دافي
و غرفتنا برد اسكيمو ... فاكتشفت انه يحب البرد ... و ما قمت الحفه بالليل و ما يصيح الحمدلله
لكن في ايام يخربها ... كأنه يقول انا صاحي لكم خخخخخ




الياهل ما يطلع من الحضانة هناك والا وامه تعرف كيف تغير حفاضته وترضعه وتسبحه
وما يطلع بعد الا و كرسي السيارة معاه .... بدونه ممنوع يطلع من الحضانة
يهتمون بسلامة الطفل واااااااايد