شاركي في النقاش

سجلي الدخول لإضافة تعليق.

التعليقات

85
  1. @lzyzh_mrh

    صاحبة الموضوع
    مافي حل غير اني اقوم الصبح لما يكونوا نايمين واشتغل بس المشكله هما يسهروني ولما انام زي الميته من التعب ما احس ولا اصحى الا لما البيبي يبكي يبغا يرضع استغفر الله حنى صلاه الفجر متاخره

    ان شاء الله نلاقي حلول؟؟
  2. @lzyzh_mrh

    صاحبة الموضوع
    um_al7lween
    الصراحة قريت كل الردود واستفدت من بعضها انا عندي ثلاثة الله يصلحهم ويخليهم لي 4سنوات ونص وسنتين وسنة وكنت مرة حايسة معهم وللحين بس بديتت احاول اطنش ولاحظت اني اذا توترت بس انكد على نفسي ولا استفيد شي الي سويتة قلت لولدي الكبير اذا شفت اي ل…
    لا بالعكس لاحوسه ولاحاجه احنا هنا عشان نستفيد من بعض مشكورة ياعسل والله يحقق لك امنياتك

    وحلوه فكره الجك ورى الافرنجي ***** الله اطبق


    بالتوفيق:27:
  3. @tfooolty

    السـلام عليكم
    الله يعينك ويعينا جميعآ
    ياحبيبتي والله أن العيال وهم صغار رحمه بكره أذا كبروا بتذكرين هذا وبتقولين أه ياليتهم ضلوا صغار وخصوصآ مرحلة المراهقه وربي جنون بتصيرين تكلمين نفسك منهم وخصوصآ أذا جاك من برى بذيك الملابس الوسخه من لعب الكوره أقول يالغلا أحمدي الله وقولي يارب قدرني على تربيتهم وقدرني أربيهم تربيه صالحه
    أنا بقولك شي تسوينه وأن شاء الله تستفيدي
    أول شي محد قالك أصحي الصبح بدري بكره يجيك الصحيان بدري حين تجي المدرسه
    أنا بقولك طبعآ أنتي تقومي تصلي الفجر بعد الصلاة أرجعي نامي حتى الساعه تسعه أو عشره
    حتى لو ماصحيتي ألا الساعه 11 قبل الظهر يمديك على كل شي كيف أنا بقولك
    طبعآ قبل لا تنامين باليل طلعي الحلمه أو الدجاجه تبع الغدى وحطيها في صحن وحطيها تحت في الثلاجه
    وخليها راح يفك الثلج على مهله وحين تصحين الصباح أو قبل الظهر أبدي بشغلك وأذا كان أولادك يصحون معك عادي ياقلبي أول شي فطريهم واللي يحتاج تغير بامبرز غيري له وشغلي التلفزيون على الرسوم المتحركه وخليهم وحطي لهم العابهم القليل منها وسكري عليهم الغرفه وبين كل وقت تعالي طلي عليهم وروحي للملابس اللي محتاجه غسيل وجميعها كلها وأبدي بالأبيض وشغلي الغساله عليها وعلى فكره نصيحه لك خلي غسيلك أسبوعيآ أفضل لك وأذا كان غسيلك كثير خليه مرتين بالأسبوع مثلآ يوم الجمعه ويوم الثلاثاء أو الأحد والثلاثاء هذي الأيام أفضل أيام للغسيل لأن الجمعه يكون بعدها دوام زوجك وأكيد يحتاج لملابسه يوم السبت ويوم الثلاثاء حلو ليه لأن بعده الأربعاء أكيد فيه طلعه أو ضيوف بيجون وتحتاجين ملابس لك ولأولادك نرجع للموضوع
    بعد ماتحطين الغسيل في الغساله تروحين تنظفين الغرف كلها معاد الغرفه اللي جلستي أولادك فيها
    يعني مثلآ مجلس الرجال تنظفينه تمامآ وتسكرينه عن الأولاد وكمان غرفتك نظفيها كويس وسكريها وتروحين لغرفة أولادك وترتبينها كويس وجهزي ملابس لأولادك حق التغير ملابس حلوه حق البيت مثلآ وتجهزين زيت جونسن رهيب هذا بشتاء للأطفال وبعدها تروحين لصاله ونظفيها ومسحيها كلها وبعد ماتخلصين تنظيف الغرف والصاله والحمامات ترى تنظيف الحمامات جدآ سريع وسهل بعد ماتخلصين تروحين لغسيلك وتشطفيه وتحطي الملابس الملونه وبعدهاتروحي للمطبخ طلعي الدجاجه أوالحمه تكون خلاص ذايبه من الثلج وصارت لينه أبدي عاد بطبخ الغدى وسوي ذيك الطبخه الحلوه وجهزي السلطه الحلوه وجهزي معها بطاطس مسلوق مع شوي ملح وخليه على جنب بقولك بعدين ليه وأثنا مانتي تطخين نظفي معك المطبخ مسحي الدولاب على خفيف والطاوله والثلاجه طبعآ بتقولين المطبخ يحتاج تنظيف عميق أنا معك صح بس أنتي تقدري تخصصي له يوم تبدين فيه من الصبح بدري أول تخلينه باليل حين ينامون أولادك وزوجك تشتغلين فيه صح حتى ترتاحين منه باقي الأيام يجلس المطبخ نظيف أسبوعين ولا تتعبي فيه ولا شي لأنك ماراح تتركي شي فيه متراكم الصحون طلعي على قدك أنتي وزوجك وأولادك حتى الأكواب طلعي على عددكم وللأطفال أنصحك بستخدام أكواب بلاستيك المغلقه تلقينها في ابوريالين تحطين فيها مويه أو حليب وتخلينها كل ماطلب طفلك عطيه ولا تنكب عليك المويه أوالحليب نرجع للموضوع خلصتي طبخ وجهزتي الغدى أوكي روحي للغسيل وشطفيه الملابس الباقيه وأنشريه خلصتي روحي لأولادك ورتبي الغرفه اللي هم فيها ونظفيها كويس من كل شي وخذيهم فورآ على الحمام وسبحيهم وأنتي كمان معهم وقبل لا تطلعينهم من الحمام أدهني أجسامهم بزيت الجونسن لأنه يدفيهم وماراح يشعرون بالبرد معه وطلعيهم وجيبيهم عندك بالغرفه ولبسيهم كويس ملابسهم والبسي أنتي وأكشخي وتعطري وعطريهم وروحي للمطبخ وشبي جمر وحطي بخور ودوري فيه بالبيت كله وقبل لا يخلص البخور حطيه بغرفتك وسكري عليه يكون زوجك على وشك جيه وحين يجي زوجك جهزي له الغدى وبعد ماتخلصون الغدى شيليه وبسرعه غسلي الصحون وتعالي أجلسي مع زوجك وأولادك وحين يجي العصر جيبي البطاطس اللي سلقتيها وجيبي سفره وجلسي أولادك عليها وحطي لهم البطاطس وخليهم ياكلون على راحتهم هذا أذا كان أولادك من عشاق البطاطس لأنها مفيده لهم بهذا السن وأذا مش من عشاق البطاطس ويحبون الشبس تبع ليزأوكي جيبي لهم ونفس الطريقه لأن الطفل سبحان الله يجوع بسرعه وخصوصآ في فصل الشتاء لأنه يحرق السعرات اللي بجسمه لذلك يحتاج تغذيه مستمره وهم بعد تقدرين تصلحين لهم أي ساندويش محشي أو فطائر حلوه من يدك بيجي المغرب والعشا وأنتي جالسه فاضيه ماعندك شي طبعآ العشا معروف شي خفيف أما فطائر أوأيدام خضره على ماجي خفيف يعني لاتكثرين في الطبخ وتقدرين تخلي زوجك يجيب أي شي من برى تقول مقوله علميه { فطورك أكله لوحدك وغداك تقاسم مع أحد فيه وعشاك أعطه لأي أحد }ولا تقولين يووووووه كل هذا بصلحه في هالبرد والله لو لي عشره يدين أنا مابقولك أن لك عشره يدين أنا بقولك على خفة يدك وأما البرد أنتي جربي تشتغلين وعلى السريع راح تشوفين كيف ترتفع حرارت جسمك حين يتحرك دمك وتبدين تشعرين بالحر لكن وأنتي جالسه بتشعرين بالبرد كله وماودك تقومين من مكانك لكن مع الحركه السريعه راح تشعرين بدفا والحراره وعلى فكره ترى الحركه بركه ومنها تقدرين تخففين وزنك مع سرعة الحركه والله أن تشوفين وزن خف وبدون رجيم أو دايت صح ولا لا ياحلوه أنتي جربي يوم أو يومين وراح تتعودين وتشوفين بعدها
    والله أما جيتي وشكرتيني أو جيتي وسبيتيني خخخخخخخخخخخخخخخخخ ربي يحفظك ويحفظلك أولادك يالغلا
    ويعطيك الف عافيه ياقلبو
    لك خالص تحـــيتي
    أختك طف طف
  4. @lzyzh_mrh

    صاحبة الموضوع
    طفووولتي
    السـلام عليكم الله يعينك ويعينا جميعآ ياحبيبتي والله أن العيال وهم صغار رحمه بكره أذا كبروا بتذكرين هذا وبتقولين أه ياليتهم ضلوا صغار وخصوصآ مرحلة المراهقه وربي جنون بتصيرين تكلمين نفسك منهم وخصوصآ أذا جاك من برى بذيك الملابس الوسخه من لع…
    يالله ماتتصوري قد ايش ريحتيني وخففتي علي الله يسعدك يارب مهما كتبت من كلام ما اقدر اوصفلك شكري وراح احط الصفحه دي فلمفضله عشان كل ما حسيت بكسل اقرا ردك

    بالتوفيق ياقمر....:26::26::26:

تابعي تجارب أخرى من هذا القسم.