شاركي في النقاش

سجلي الدخول لإضافة تعليق.

التعليقات

2,025

  2. @ashtkt_alyk

    السلام عليكم ورحمة الله و بركاته....

    صباحكم فل يا قمرات...

    ميكو
    ...ازيك و ازي مايا...يا رب تكونى فوقتى شوية من دوشة الشغل....

    ماما
    ....ربنا يوفقك يا حبيبتى و بالنجاح ان شاء الله...

    أوكسى.
    ..فينك يا جميل...انا جيت أهو....انتى بقى غطستى فين..

    توفى....
    ا رب يا حبيبتى تكونى بخير و تكونى اطمنتى يا قمر....ربنا يوفقك و يجعك ديه آخر خطوة فى مشوار تأخر الحمل...
    وبالنسبة لى يا ستى فالغطسان ده مش بإيدي و الله....المشكلة بس فى الدراسة مع عمر مع ان كل حاجة فى البيت على دماغى لان جوزي مشغول اوي فى شغله و كمان بوالدته اللى رحعت و دخلت المستشفى تانى...عموما انا واثقة ان الامور هتتظبط تانى مع الوقت بامر الله و ارجع على قلبكم ليل نهار....

    مها...
    ربنا ميحرمنيش منك و لامن كلامك اللى زي السكر يا سكر...
    ربنا يكملك على خير يا مها و تجيبلنا احلى نونو....


  3. @ashtkt_alyk

    فاطمة الزهراء912
    السلام عليكم ورحمة الله و بركاته... ازيكم يا بنات...يا رب تكونوا جميعا بكل خير.... عزيزة.. ربنا يسمع منك يا حبيبتى و تكونى انتى و نادو حوامل فى نفس الشهر و معاكم كمان بقية حبايبى.... وزة... مصر هتنور بيكى يا قلبى..وان شاء الله تستمتعى ب…


    إيه الجمال ده يا طمطم....بسم الله ما شاء الله...
    أيوه كده شدي حيلك و ان شاء الله الكام كيلو اللى فاضلين دول هينزولوا فى أسبوعين على أقصى تقدير...وبكده نبقى أخدنا بكل الاسباب المطروحة قدامنا و مش فاضل الا اننا نقول مبروك فى القريب العاجل...

    وبالنسبة لموضوع الغسيل ده فالكلام مبدئيا مطمئن ...لكن برده فاضل انك تعرفى المكونات اللى هتستخدم...وتسألى عنها و تعملى سيرش علشن نبقى مطمنين تماما للخطوة ديه...وربنا ينفعك بيها يا حبيبتى و يكفيكى شرها..

  4. @ashtkt_alyk

    بوبا...
    ربنا ميحرمنيش من سؤالك يا حبيبتى...احنا الحمد لله بخير...
    وانا باحاول ادفى الاستاذ عمر على أد ما أقدر...بس للأسف هو عامل زيي و بيلقط البرد من الهوا...وديه كده تالت مرة ياخد فيها برد فى خلال شهر واحد....دعواتك بقى يشد حيله شوية علشان لما بيتعب بيبقى رخم أوي...

    المهم...يا رب تكون حيرتك قلت شوية...انا عارفة ان القلق مش هينتهى بس على الاقل نبقى حسمنا بعض الأمور و قللنا التناقضات شوية...
    يبقى الخلاصة يا بوبا..بجد ربنا يعينك ...انا عرفة ان التكلفة عندكم خرافية بس توكلى على الله و خليها فى الخاص مع الدكتور اللى متابعك..وان شاء الله تقومى بالف سلامة و تفرحى بالنونو ..والنقطة الوحيدة اللى كانت مقلقاكى منه بتاعة انه متسرع على الولادة اول التاسع ممكن تناقشيه فيها و تطلبى متابعة كل أسبوع ولو تخطيتى نص التاسع يبقى يفضل ان الدكتور يشوفك على فترات اقرب... و طول ما الامور تمام..يبقى منستعجلش و نصبر شوية..وعلى رأيك يمكن تيجى طبيعى...
    لكن اللى عايزة أؤكد عليه يا بوبا....بلاش لو مجتلكيش أعراض انك تخلى حد يجرب فيكى و يقولك نبدأ الأول بالطبيعى....احنا مش عايزين لخبطة....علشان خاطري..لو جه الميعاد سواء اتفقتوا عليه مع الدكتور او ميعادك حه من غير أعراض يبقى خليها قيصري يا بوبا....

    وأخيرا طالما اخدتى بالاسباب يبقى متخافيش...احسنى اختير المكان و حطى فى دماغك ان آلاف الستات بيولدوا كل يوم....احنا بنعمل اللى علينا و التوفيق بيبقى من عند ربنا..وما الاماكن و لا الاطباء إلا أسباب....وربنا يا حبيبتى يوفقك للى فيه الخير و يوقفلك ولاد الحلال

تابعي تجارب أخرى من هذا القسم.