استودعتك الله بيسان

قد يحتوي هذا الموضوع على محتوى غير مناسب. عرض الموضوع
مساء الخير عالجميع كيفكم ان شاءالله كلكم تمام وكل عام وانتم وبخير
حبيت اكتب لكم قصه حملي وولادتي انا تزوجت موعالطول حملت جلست سنه ونص السنه حملت ولكن تعرضت لضغوط من كل الي حولي ليه ماحملتي وانا وزوجي ماكنا نهتم في الضاهر لكن في الواقع كل واحد شايل بداخله هم وكنت دايم اتعرض للسؤال الي ماحبه العيب منه والامنك وكنت اقول احنا ماطولنا لسى بدري نبغى نعيش لكن ناس ماتفهم كنت دايم ادعي ربي واستغفر وكنت داي عندي امل ان الله راح يعوض صبري سافرت لاهلي اول صيفيه بعدالزواج وعملت فحوصات وكل شي طلع تمام وقالت زوجك لازم يعمل قلت لها اوكيه سافرت رجعت لزوجي وقلتله قال طيب راح عمل فحوصات لكن حصل الي ماكان في الحسبان قالو عقيم وماقالي بس حسيت فيه متضايق وسالته وبعدين قالي وقلت اذا الله اراد شي راح يقول كن فيكون انت تريد وانا اريد والله يفعل مايريد صبرت وجلست ادعي يارب لاتحرمنا وفي يوم من الايام كنت احس احساس غريب كنت احس انو في روح جواتي قطعه مني بس كنت اقول لا انتي تتوهمي اتاخرت الدوره حيت بدوخه وكسلانه زوجي حس قال لتكوني حامل لا هذي اعراض الدوره المهم طاعنا نتمشى ومرينا اخذنا عشاء وكان جنب المطعم محل كماليات انا نزلت وهوه راح المطعم وجاب اختبار الحمل رجعت السياره وشفته انصدمت قالي جربي مانتي خسرانه رجعنا رحت احط العشى قال لااول التحليل قلت انا لا نتعشو وبعدين عشان اذاماصارشي مانزعل اصررحت وهوالي عملوه ليه رفض انوه انا الي اشوف رحت المطبخ ماكنت حابه انصدم مثل كل مره شوي هوه يصارخ وقول تعالي شوفي قلت تمزح بس ملامح وجه كانت غير وطلعت حامل كنت راح انجن من الفرحه حضنا بعض وفرحنا العشى مااكلت حسيت اني شبعت من الفرحه الساعه كانت وحده قلت خلينا روح نتاكد قال الدنيا قفلت خليهالبكره وش يصبرني لبكره مافي ابغى الحين وكلمنا مستوصف جنبنا قال ربع ساعه ونقفل ياتلحق ياماتلحق قل اختبار حمل قال ابشر ننتظرك ورحنا كنت مره خايفه والدم نشف من عروقي دخلنا اجت اللممرضه مالقت وريد عشان تسحب قالت اهدي ان شاءالله يصير خير واخيرا لقيت سحبت وراحت وانا احسها سنين انتظر شوي وجت تصارخ مممممممممممدام انتي حامل انا مادري وش اسوي عالطول حضنها وبعدين حضنت زوجي وسجت لله شكرورحنا البيت وكلمنا اهلي واهله وفرحنا وعشت ايام روعه قرب رمضان وصار لازم اروح لاهلي لان اختي راح تتزوج وراحت اشيك قبل السفر عندالدكتوره وعملت سونار وقالت ان حجم الجنين صغر صدمتني وقالت لازم تعملي ثلاثي الابعاد وانا كنت مسافره قلن اوكيه وسافرنا رحت لاهلي اليوم الثاني عملت ثلاثي الابعادقال الدكتور كل شي تمام المويه والجنين وطلعت بنوته وفرحت ومرت الايام الاالشهر السادس جاني حكه حمل تحملت لكن ماعاد اقدر رحت المستشفى كنت عالنهايه السادس عطاني مرهم وحبوب خفت وقال تعالي بعد اسبوعين ومريت النسائيه وكل شي تمام دخلت السابع وبديت اجهز للبنوته الرساله الي راح ارسلها والسرير والمفرش ودفتر الذكريات وسويت عرض للصور السونار وقررت اسميها بيسان حبيبت امها قرب الموعد الي قال عليه الدكتورتعالي بعداسبوعين عشان الحكه وقبل الموعد بثلاثه ايام حلمت ان سنتي انقلعت وكانت تالمني مره صحيت منشده الالم ورحت الحمام ونزل دم من اسناني وخفت مره حسيت قلبي انقبض ونمت وانا مومرتاحه حكيت لاهلي وقالت امي خير بكره الموعد وي الليل حسيت اني راح اولد وراسي يوجعني رحت اتسبحت ونضفت نفسي كنت حاسه اني راح اولد ونمت وانا فاتحه النور مدري ليه وفي الصبح قلت لامي قالت عادي الاوجاع تبدى من السابع الاالتاسع رحت المستشفى ورت الجلديه وبعدين النسائيه علشان اطمن ودخلت اقيس الضغط قالت مرتفع شوي انقبض قلبي قلت خيررحت للدكتوره وكشفت عليه حسيت ان فيها شي قالت افتحي الغطاء قالت البيبي مايتحرك ونقلتني عالجهاز ثاني وبرضه نفس الشي كان معاي مرافقه من المستشفى لان ابوي شغال فيها وجها ماكان تمام وحطت ايدها عالرجلي قالت البيبي مافي نبض قلت يعني شنو قالت مات الحبل السري لاف على رقبته وراحت انا وقفت زي المجنونه وتايه مامعي احد الرافقه بكت معي لان هي ماتجيب اعيال يارب ترزقها وتفرح قلبها يارب قالت من جاء معها قالت ابوها قالت ناديه وراحت انا وقفت ورحت برى امشي مادري وين اروح ودموعي تنزل زي الشلال ورحت هي عند ابويه ودخلت عليه وهي تبكي قال وش فيه قالت البيبي مات ابوي انصدم انا كلمت اختي كانت نايمه وقلت لها وانا ابكي تعالي بنتي ماتتت الحلم راح تعالي شوي ابوي جاء كنت جالسه ودخل قال يفلانه حلمك في بنتك تذكرت وانهرت يوم شفته بكيت في حضنه قال لاتبكي هوكان منهاربس قوى نفسه وراح عندالدكتوره وقالت لازم تدخل التنويم وشوي جت اختي وبعجين امي وخوي كلم زوجي كان مسافرشفت رقمه مادري وش اقول الفرحه راحت الحلم راح حبيبت امها ماتت رديت سمعت صوته بكيت من قلب قالي ليه البكاء انتي عندي بالدنياكاها لاتبكي الله اختارالي فيه الخير يمكن لوعاشت تعيش معاقه اوعاقه قولي الحمدلله الله يرحمها مارديت كنت في قمت الانهيار دخلت التنويم الظغط كل شوي يرتفع كشفوعليه وعطوني طلق صناعي ماصار شي والغط مرتفع والكل يهدي فيه امي واخواتي المغرب زوجي جاء وجلس معي وبعدين راح الساعه عشره اعطوني طلق مره ثانيه امي نامت ياعيني عليها تعبانه وانا قلت بنام ماجاني النوم شريط الذكريات يمر وانا ابكي الساعه وحده بدت الالام وقلت لامي ونادت الدكتوره واخذوني دخلت الولاده شفت الموت بعيني ولدت وحسيت ان قطعه من قلبي راحت شفتها كل شي تمنيته فيها صار الشعرالاسود والعيون كبار الابيض بياض والاسود سواد كانها حوريه بيضاء مثل القمر واخذوها وخذوقلبي مهعا اخذو حلمي اخذو فرحتي وحلمي اخذوبيســــــــــــــــــــــــــــــــــان مني ودخلت في نوبه بكاء هدتني الدكتوره وقالت لامي اني ولدت الصبح طلعت لامي اجاء زوجي وابوي وخذوها المغسله وغسلوها يقول ابوي اول ماشافها قال فلانه تشبهني والحلم تحقق طلعت تشبهني كانت امنيت زوجي وكفنوها ودفنوها دفنو فرحتي معها صح ماكنت ابكي قدام امي بس من جواتي منهاره والله العظيم من اول ماحمات فيها كنت حاسه اني ماراح اشوفها يانا راح اموت بالاولاده ياهي واحت بيســـــــــــــــــان الله اختارها عصفوره من عصافير الجنه كانت زي الملائكه ودفنها ابوي جدها نزلها القبر الحين صارلي شهرين ماقدرت انساها كل شي حولي يذكرني فيها الصور التجهيزات الي مصبرني انها شفيع يوم القيامه باذن الله
بيسان حبيت امها لم يدالله ان تكوني في هاذهي الدنيا فاختاركي ان تكوني من عصافير الجنه ياحلم لم يتحقق
امـــــــــــــــــــــــــــــــــــــــــــــــــــــك

80 تعليق 5,167 مشاهدة

شاركي في النقاش

سجلي الدخول لإضافة تعليق.

التعليقات

80

تابعي تجارب أخرى من هذا القسم.