أغلبها متعبة شوي ويبي لها فرامة لحم وأنا ماعندي إلا فرامة البصل دز دز تعرفينها وممكن تساعدني شوي
بس فرامة لحم صعب غير كذا أنا أبي أسهل الطرق
وأنتظر رد من أم دحومي ورورو بهالخصوص وخصوصا على قولة أم دحومي فيه طرق مطورة وسهلة له
بس شوفي هذي طريقة بحثت و أرسلتها لي أختي وحبيبة قلبي ربي يسعدها مملوحة mmlo7a
وعجبتني الطريقة لأنها مرررررة سهلة وحلوة وهي اللي ناوية أجربها مع طريقة أم دحومي ورورو لا ردوا
إليك الطريقة ياعسل وادعي لي وادعي لأختنا مملوحة ربي يسعدها وين ماتروح ويسهل عليها
طريقة عمل الحنيني
السلام عليكم ورحمة الله وبركاته
طريقه الحنيني سهله جدااا
اولا جهزي كيكه من دقيق البر وهي عباره عن
كاس دقيق بر
ملعقه بكنج باودر
2بيضه
كاس ماء
بيالة زيت
رشة ملح
فنجال سكر

بعد ذلك ادخليه للفرن حتى النضج
في وقت ادخاله للفرن جهزي التمر(اي تمر مو مهم)بان تخرجي منه النوى

اخرجي الكيك من الفرن وقطعيه تقطيع عشوائي(مو مهم)

افرمي بالتناوب الكيك والتمر مع اضافه زبد مذوب كل فتره

افركيه الى قطع صغييييييره جدا وسخنيه

واذ ا حبيتي اضيفي ملعة سمنه
وبالعافية
===============
وفيه طريقة ثانيه بالخبز
المقادير:
كيس كامل من خبز التوست البر او مفرود
أصبع زبدة
كاس ونص تمر معبوط (معجون) أو أكثر
وشوي حليب
الطريقة :
تطحنين الخبز
و تسيحين الزبدة وتحطين معها التمر عشان يلين
وبعدين تخلطينهم مع بعض وتضيفين الحليب
لا تكثرين بس شوي قد انه يلين الخليط .. يعني ترشينه بس
واخلطيهم مرة ثانية سواء في الخلاط أو بيديك .. في الخلاط أسهل ويطلع نثري

يطلع نثري نوعاً ما .. مو متماسك
وحطيه في صينية بايركس ثم في الفرن على حرارة متوسطة .. لمدة ربع ساعة

وبعدين فتتيه لو احتجتي
وحطيه في الحافظة .. وبسسسس
مجرب ومضمون