الله يخليكم ولدي وش فيه

السلام عليكم

ولدي الله يحفظه عمره سنه واسبوعين البارح كان يصيح بدون سبب تعبنا نمشي فيه نحاول نسكته مو راضي يسكت ويضرب راسه بأي شي بعدين ارتفعت حرارته وديته الطبيب كانت حرارته فوق 39 وطول اليوم ينزل من فمه لعاب بكثره حوالين فمه وعلى ملابسه ماكان كذا اليوم بس لعابه كثير واحس كأن فمه وارم شوي منتفخه شفايفه:44: والطبيب ما انتبه للعابه وفمه ونسيت اقوله لاني انشغلت بحرارته وسبحته عندهم والطبيب يقول احتقان بحلقه وعطاه مضاد اوقمانتين وفيفادول ونقط للانف

وش حالته تكفووون والله انه مضيق صدري اعطيه فيفادول بس مزاجه متعكر ويعض ويضرب براسه ولعابه ينزل من فمه على طول

الله يشفيه ويخليه لي ويحفظ لكم عيالكم

12 تعليق 1,207 مشاهدة

شاركي في النقاش

سجلي الدخول لإضافة تعليق.

التعليقات

12
  1. @raaay_mbda

    احتمال فطريات بفمه اذا متنفخ والمها شديد شوفي فمه فيه بقع او نقط بيضا ولثته اذا لا؟؟,,,, فاحتمال التهاب بحلقه او لوزه ولازم طبيب ممتاز
    اذا فطريات كريم او جل دكتارين للفم ممتاز للفطريات وياااااااااااااااارب تشفيه وتخفف عنه وهذا موسم امراض لاتقلقي
  2. اتوقع تسنييين دام تقولي بس يصيحح جربي تعطيه سفوف
    العضو دنيتي رنو
    مررره رهيب للتسنين
    وما اقولها الا وعن تجررررررربه
    والله يشافيه لك
  3. تأكدي مايكون فيه التهاب في الاذن من الحراره بعض الاطفال ينزل منها صديد من الحراره هذا غير الالم

تابعي تجارب أخرى من هذا القسم.