بنات ابغى رايكم بكل صراحه في بيت المستقبل من جد محتاره

كيفكم يالغوالي دايما ادخل هذا القسم وهو من احب الاقسام على قلبي

ومن فتره وانا ابغى استشيركم وما خاب من استشار ومعليش تحملوني لان موضوعي مره ملخبط بس لازم اشرحلكم بالتفصيل علشان تقدرون تنصحوني

يا طويلات العمر انا كنت في الشرقيه لمدة عشر سنين وفي يوم جا زوجي وقالي اش رايك ننقل عند اهلي ونسوي الغرفتين اللي تبعنا ونرممها ونزيد عليها الغرفه اللي جنبها علشان الواحد يقدر يوفر كم قرش ونستقل

ببيت خاص فينا رحبت بالفكره ونقلنا المدينه هذي عند اهله وبيتهم ما شاء الله كبير بس مرررره قديم والشقه اللي بنرممها عباره عن ملحق بالحوش وما كان فيها مطبخ وكانت عباره عن 3 غرف وحوش صغير وحمام واحد

رسمت تخطيط لهذي الغرف بحيث اني استغليت الحوش وصار سيب واسسنا في حمام وانتوا بكرامه ووحده من الغرف صارت جلستنا ومجلس للحريم اذا جوني ووحده من الغرف قسمتها وصارت مدخل ومطبخ والحمام القديم صار جنب المطبخ وخليته للغسيل ومستودع

وغرفه قسمتها وصارت غرفتين لبناتي وولدي والغرفه الاخيره كانت مستودع للعايله ودخلناها على بيتنا وصارت لي واسسنا فيها حمام الله يعزكم

المهم كنت فرحانه بالبيت وقلت خلاص بيكفينا الين ربي ييسر ويصير معانا فلوس ونبني وكنت افكر اني ااجل موضوع الحمل

لان البيت مررره ضيق والغرف صغار بكل ما للكلمه من معنى وما فيه مكان لطفل جديد وسبحان الله اراد ربي اني احمل وجبت توام الله يحفظهم ويخليهم

والحين تلخبطت كل اوراقي ومحتاره لو كبروا شوي فين بحطهم واكثر ما خلاني افكر لمن ولدت وجوا اخواني مع زوجاتهم يباركون لي الحريم جلستهم في الغرفه اللي عندي واخواني ظلوا واقفين برا الين ما جا زوجي ودخلهم مجلس الرجال اللي عند اهله وقتها تمنيت الارض تنشق وتبلعني من الاحراج اللي حسيته

معليش طولت عليكم بس الحين ابغى رايكم في موضوعين الاول

يقول زوجي اننا لازم نتوسع ونزيد دور ثاني على هذا اللي احنا فيه والفكره مو بطاله بس انا افكر في المستقبل

اولا البيت مو لنا البيت لابوه وعمي كبير في السن الله يعطيه الصحه وممكن في اي لحظه يقسم الورث علشان ما يصير فيه مشاكل من بعده وما ادري اش بيكون نصيبنا وكمان احس انه الواحد يحط فلوسه في شي ما يسوى

لان البيت زي ما قلت لكم قديم والله ما خلصت سنه من يوم رممته الا والبويه رجعت تتقشر وبان السمنت من جوه يعني على قد ما يصلح الواحد ما يمديه يتهنى الا وهو خربان وغير كذا كمان اذا جو العمال يشتغلون وبيدخلون ويخرجون وين اروح انا وعيالي وعفشنا لا تقولون عند اهله صحيح البيت كبير بس من غير تصريف يعني ما عندهم الا غرفه وحده وحمام واحد للكل وباقي الغرف مستغله

الموضوع الثاني

فكرت اني ازن عليه من الحين يدور سلفه ويروح يشتري ارض ونبدا نبني فيها شويه شويه بس هذا الشي بيسبب مشاكل وتنكيد وبيجلس طفشان ومعصب لانه ما في نيته انه يسوي شي الحين

اش رايكم بالله تحملوني شويه لاني في هم ما يعلم فيه غير ربي

36 تعليق 4,477 مشاهدة

شاركي في النقاش

سجلي الدخول لإضافة تعليق.

التعليقات

34
  1. @bsat_alryh

    طيب ما فكرتو في الشقق التمليك ..اذا كان بياخذ قرض ...بدل من دفع الاجار يصير يدفع اقساط
    لان فيه شقق كبار واذا تدفعين كاش تطلع بسعر مناسب
    لان البناء احسه صعب خصوصا مع قدم البيت وبياكل فلوس
    وممكن تطلعين ببيت اجار والله ييسر امركم
  2. @mshtakh_lamha_1

    صاحبة الموضوع
    مون جزاك الله خير

    بساط الريح والله عرضت عليه بس مو مقتنع بفكرة الشقه يقول ما تضمنين جارك من بيكون ولا تضمنين صاحب العماره يجي يقول ابغى اهدم العماره ويطلعنا وغير الازعاج والاستقلاليه وغير كذا لو لقينا شقه كبيره يبغالها مبلغ مو سهل يقول حرام الفلوس تروح في شقه
  3. @ahb_altsamh_555

    شوفى اختى اولا اطلبى العون من الله وانه يسهل امورك
    ثانيا حاولوا تجمعون مبلغ تشترون ارض وابنوها شوى شوى واذا تقدرون تاخذون سلفيه احسن بس احسبوها صح يعنى تكون بحدود امكانياتكم والتوام الحين تنومينهم معاك بالغرفه واذا فيه امكانيه تبنون لو غرفه زياده احسن عشان تتوسعون شوى وصدقينى السنين تمضى بسرعه وبيت الملك مهما كان احسن من الاجار ولا احد يشاركك فيه وسالفة تبنون فوق الغيها من بالك لان الواحد ما يدرى شيصير بعدين والله يوفقك ويرزقك بيت ملك

تابعي تجارب أخرى من هذا القسم.